270 милијарди евра земјоделски субвенции за земјите членки на ЕУ, за период 2023 – 2027 година

22.11.2022 13:36
270 милијарди евра земјоделски субвенции за земјите членки на ЕУ, за период 2023 – 2027 година

Познато е дека Европската Унија одвојува огромен процент од буџетот за земјоделскиот сектор. Со тоа ја покажува важноста на земјоделското производство, руралниот развој и воопшто производството на храна. Најновата програма која ќе стартува од 1 јануари 2023 година подразбира буџетска рамка за период од 2023 – 2027 година.

Станува збор за распределба на 270 милијарди евра од земјоделскиот буџет на ЕУ за 2023-2027 година. Според Комисијата, 34 милијарди евра се наменети исклучиво за еколошки и климатски цели и нови еко-шеми.

Почетокот на имплементацијата е планиран за 1 јануари 2023 година.

Кога станува збор за проблемите со кои се соочува ЕУ, тие се многубројни. Фокусот е на војната во Украина, прашањата за ѓубрива и добиточна храна, намалување на CO2, благосостојба на животните и етикетирање на производите.

Ситуацијата во Украина и последователната блокада на пристаништата на Црното Море предизвика значително нарушување во глобалниот земјоделско-прехранбен сектор, прекумерни цени на храната, трговска блокада и зголемени трошоци за многу инпути за земјоделско производство. Потпишаниот договор за деблокирање донесе олеснување, но и неизвесност, а новата производствена сезона ќе биде голем предизвик.

Цените на бензинот растат, а со нив и ѓубривата. Многу фабрики го намалија или целосно го прекинаа производството. Кога ова се комбинира со санкциите против Русија, резултатот е недостиг на ѓубрива, кои се сè поскапи.

Дополнителен проблем е сушата која го зафати европскиот континент. 14 држави на Унијата беа директно погодени. Приносите на земјоделските култури се намалени, а особено загрозени се сточарскиот сектор и производството на добиточна храна. Помалите количини и високите трошоци може да го загрозат опстанокот на многу фарми.

Во ноември, Комисијата ќе предложи регулаторна рамка на ЕУ за сертификација за отстранување на CO2. Ќе ги детализира правилата потребни за следење, известување и автентичност на овие отстранувања и ќе има големо влијание врз земјоделците од ЕУ и идните потенцијални дополнителни извори на приход.

Благосостојбата на животните сè уште е во голем фокус по серијата несреќи во кои недостигаше почитување на нивната заштита.

Ќе се разговара и за предлогот на Комисијата за преполовување на употребата и ризикот од хемиски пестициди до 2030 година, кој веќе е предмет на критики од одредени земји. Тие се очекува да бидат завршени под шпанското претседателство со ЕУ во втората половина на 2023 година.

Извор:https://agrotim.mk

Слични содржини

Општество / Европа / Екологија
Општество / Европа

ОкоБоли главаВицФото