Потеклото на кроасанот не е француско туку австриско

20.01.2023 13:38
Потеклото на кроасанот не е француско туку австриско

Практично секое место во кое се нуди појадок, од бензинските пумпи до најпрефинетите ресторани во градовите, го нуди кралот на пецивата - кроасанот. Иако својот ден го слави на 30 јануари, не постои ограничување во неговото уживање зашто има безброј варијации.

Многумина не ја знаат легендата која се крие зад неговото потекло.

Приказната за вредните пекари

Потеклото на кроасанот не е француско, туку австриско. Според верзијата што ја објави докторот Алфред Готшалк во изданието на престижната кулинарска енциклопедија Larousse Gastronomique од 1938 година, кроасанот е осмислен за време на австро-турските војни од 17 век. Или, подобро кажано, кога пред ѕидините на Виена запрело напредувањето на трупите на везирот Кара Мустафа по течението на Дунав и освојувањето на германското царство во 1683 година.

Неможноста за напредување довела до опсада на Османлиите која траела два месеци, во обид да ги изгладнат војниците на полскиот крал Јан Втори Собиески и царот Леополд Први, кои ја бранеле Виена. Гледајќи дека мештаните не се откажуваат, одлучиле да пробаат нова стратегија - ноќе почнале да копаат тунели под ѕидините на градот.

Од друга страна, пекарите во Виена како и секаде низ светот работеле во своите пекари, па така можеле да ја слушнат вревата што ја правеле непријателите и да ги откријат нивните намери. Спасувајќи го градот но и целото царство, кралот решил да им додели некои привилегии, како што е носењето меч на појасот.

Тие за возврат го направиле она што го знаеле најдобро - направиле два леба: еден кој се вика kaisersemmel, германски за „царска погача“ и друг кој се вика kipferl или hornchen, што на германски значи „полумесечина“. Тие денес се сметаат за претходници на познатиот кроасан.

Извор: https://nationalgeographic.rs/

Слични содржини

Европа / Балкан / Став / Култура / Историја

ОкоБоли главаВицФото