1025 hPa
86 %
-1 °C
Скопје - Сре, 14.01.2026 19:59
Ѓаволот не е во деталите
И во плакарите е
И украсните чинивчиња за слатко
На мазните површини на лажичките за кафе
Во ќошевите каде се собира влага и спомен
Нечиј помен
Слика во рамка и фаќање за сламка.
Ѓаволот ни ора ни копа
Доаѓа ко господин, на увце ти тропа
Не шепнува ништо јасно
Ама ти знаеш дека е доволно гласно
Во слет, композиција и синкопа
Може ли со пеење, ко женски поп
Да го победам?
Ѓаволот не е во деталите
И во слабините е
Во масните наслаги бегство од себе
Од нас
И седи таму, може и оро игра
А ти бараш спас
Фрлајќи ги сите шамичиња
За бришење солзи на погреб.