Ако немаат леб, нека јадат веб-колачиња

Кошничката е потрошувачка, парите се отепувачка.

За кого бијат аваните?

Немам план за јадење. И него го изедов.

Ми бара душата јагнешко. Изгледа имам недостаток на кроткост.

Шоубаво се распаѓа гравов, како да попримил од мене дури се варел.

Ставив шпагета што се вари за 3 минути во шпагетите за 8 минути. Нека гледа и учи.

Кој рано рани, три кила банани.

Земи друга бонбона, таа ми е лижана.

Ако немаат леб, нека јадат веб-колачиња.

Го изговорив судбоносното „и кечап и мајонез... и повеќе помфрит!“

Скршнувањето до слаткара после тренинг беше само колатерална шетња.

- Од што се здебели толку?!
- Од „нема смисла за толку да останува“.

- Што јадеш?
- Сонула.
- Може да пробам?
- Сонула не се дели!

- Му паднала секирата во мед.
- Толку му сече!

- Едно време и јас се давев во јогурт.
- И?
- И не ми успеа.

- Зошто е ваков јазовичарот?
- Таков е од мали нозе.

- Како се вработил управувачот на марионети?
- Со врски е влезен.

- Си видел колку му се има збрчкано лицето?
- Па многу му се собра у задње време.

- Кој од двајцата канибали е погладен?
- Се јадат, не се знае.

Слики: Kristof Santy