На клупа во парк (1)

10.03.2023 15:44
На клупа во парк (1)

 

Сè си е на место

Крава молзи молзнач, во штекер се грее полнач, сасквач лежи под сач, а на гранка седи краткопрст ползач.

 
***

На клупа во парк разговарале врач, гатач, одгатнувач и бајач-трујач.

„Имам видено како косачот сред нива фаќа орач во магичен обрач“, рекол врачот, и додал: „А орачот после го барале со Гајгеров бројач.“

„Јас сум видел како острачот на фронцли сечка дрвосечач!“, рекол гатачот.

„Јас имам видено како јавачот-ткајач од седло во стратосфера исфрла сарач сосе сантрач!“, рекол одгатнувачот.

Јас го имам видено сејачот-жнејач како со корбач на плач тера питач“, рекол бајачот-трујач.

„Би рекол дека ова за питачот е патетичен трач“, рекол врачот.

„Нема врска“, помирливо рекол бајачот-трујач. „А знаете за славниот брусач-резач што сечел дијаманти со секач?!“

***

Додевач-задевач на клупа во парк седнал до познавач-потсмевач.

„Ти не си познавач туку подривач“, рекол додевач-задевач.

„А ти не си додевач-задевач туку боцкач-подбуцнувач“, одговорил познавач-потсмевач.

***

Викач-пискач му рекол на крекач-гракач дека е ркач.

„Ако сум јас ркач тогаш си ти ползач-влекач“, му возвратил крекач-гракач на викач-пискач, додека се спремале да преноќат на клупа во парк.

***

Читач-пишувач, минувајќи крај клупа во парк, слушнал како цицач-чистач му рекол на цртач-чкртач: „О ти неталентиран шкрабачу-мачкачу!“

***

 

Шетач-шептач и зборувач-озборувач на клупа посматрале како во колони, накај грмушките, надоаѓаат парковските манијаци, небаре на симпозиум, редум и во групи. Најпрвин дошле пушач-пуштач, давач-дувач, барач-примач и клепач-чукач, а веднаш зад нив ѕиркач-душкач, меркач-демнач и фаќач-плаќач. Во третата група заедно се појавиле шмукач-шмркач, шприцач-впивач, ставач-штавач, јавач-мешач, мавтач-корбач и гибач-пипач, а веднаш по нив улетале и близнаците акач-ебач и акач-бакнувач.

Во какофонијата од тешко разбирливи гласови шетач-шептач во еден момент слушнал како ставач-штавач на давач-јавач му рекол дека е јанлаш.

А групите не престанувале да надоаѓаат. Еве ги, од нигде никаде, и заведувач-изведувач, подведувач-претресувач, потпалувач-засилувач и прашувач-опрашувач, а веднаш зад нив и опседнувач-надразнувач, ракувач-подмачкувач и скротувач-смирувач.

Најпосле, со значајно задоцнување дошле и мочач-уживач, плукач-лизнувач, лигач-лизгач, сркач-повраќач и гаѓач-напаѓач („фрлачот на гаќи“).



***

Лунѕач-талкач и лангач-клинкач во грмушки во парк го начекале акач-бакнувач, и ги истепале.

(продолжува)


Слики: Rokuro Taniuchi (1921–81)

Слични содржини

Пандалф Вулкански
Пандалф Вулкански
Пандалф Вулкански
Графички Дизајн / Книжевност / Уметност
Пандалф Вулкански
Пандалф Вулкански

ОкоБоли главаВицФото