Нов албум на Културно Уметнички Работници

Скопската група „Културно уметнички работници“ на платформите Bandcamp и YouTube го објави својот нов, 7-ми по ред албум, со наслов „ПАНК КАБАРЕ“.

Промоцијата, која ќе биде проследена со настап на Работниците во живо, ќе се одржи во МАККА БАР, на 06 април 2023 (четврток), со почеток 20:00ч

***

Групата "Културно Уметнички Работници" постои од март 1999 година. Формирањето на овој состав е резултат на големото дружење помеѓу членовите на групите "Тотално Опуштање", "No Name Nation", "Бомбашки Процес", "Жолтица на Бродот Баунти" и "Рок Агресори". Имено членовите на овие групи решаваат да се состават во една дива орда и со здружени сили да се борат за ширење на рок културата.

Дискографија:
Културно Уметнички Работници / CD / Маргина, 2002
Amore Bene Tutti Prego / CD / Рок Фест, 2008
Unplugged @ Kanal 103 / downoad / MMM / 2009
Ha Ha Jolly Jolly / CD / Time Machine Music / 2011
Мит Ми Комен / CD / самиздат / 2014
K.U.R.VI / CD / Балкан Велики / 2017
Панк Кабаре / CD / самиздат / 2023

Компилација:
Преку Таквото / Супер Дечки / CD / PAC Multimedia, 2001
К​о​л​к​у г​л​а​с​н​о м​о​р​а​м да в​и​к​н​а​м за да ме ч​у​ј​а​т​? / Стари / LP / Корпус Деликти Рекордс, 2019

Концерти:
Од 1999 година, кога е формирана, па се до сега, групата К.У.Р. има одржано голем број на самостојни концерти и има свирено на сите позначајни фестивали во Македонија и регионот. Меѓу најзначајните настапи се вбројуваат оние на Exit Festivalot 2008 каде што настапивме на Exit Live Music сцената, Alarma Punk Jazz фестивалот во Софија во 2009, Гитаријадата во Зајечар 2005 година, Pivo Lend Фестивалот во Скопје 2008, Првото издание на фестивалот Таксират 1999, Фестивалот Аларм во Љубаниште 2002, Fusion фестивалот во 2003, Rock Fest итн. До сега сцената сме ја делеле со бендови како: Бадмингтонс, Kud Idijoti, Let 3, Rambo Amadeus, Zabranjeno Pusenje, Elektricni Orgazam, Riblja Corba, Darko Rundek, Grupa Tvog Zivota, No Name Nation, Тотално Опуштање, Лоши Деца, Fighting Windmills, New Police State, Defekt итн.