Два пати неделно пред пролет да почне

Два пати неделно пред пролет да почне
застанував овде и бранев на голов:
фудбалот, за душата на младото момче,
значеше битка со болот.
Зад викетот, денес, секој мајски викенд,
со коскобран и палка сум веќе:
о, глеј го синот на болки: на крикет
пробува да биде среќен.
И ќе пробувам уште; од тоа штета нема:
да се чуди човек колку малку смеа
ги држи коските на луѓето над земја
наместо под неа.

Препев: Виктор Јованоски

Алфред Едуард Хаусман (Alfred Edward Housman, 1859-1936) или, како што е попознат, А. Е. Хаусман, е англиски научник и поет, професор по латински и преведувач.