Самовознесение

28.04.2023 09:47

Секако дека имаше знаци
на долгиот пат кон себе:
вир со валкана вода од кој
не смее жедниот да пие;
износени мокасини (чии ли се?)
дамна заборавени во правта;
свиено јаже обесено на дрен
(кој и што врзувал тука?);
памучна шамија со дамки
од зрелите рубини на капината
(на која ли Вероника е?)…
Секако дека одот беше бавен,
нога по нога влечејќи по ридот
а пред секое око груба греда,
кои треба да се спојат во крст
пред да се распне секој сам
на извишената Голгóта
и сам без крила и без ореóл
(ако воопшто смогне!)
високо да се воздигне себе
над толпата што чека
силен тресок во прав.

 

Слични содржини

Секој ден песна
Секој ден песна
Секој ден песна
Секој ден песна
Секој ден песна
Секој ден песна
Секој ден песна
Секој ден песна

ОкоБоли главаВицФото