1007 hPa
100 %
13 °C
Скопје - Вто, 23.04.2024 15:59
Во четврток (11 мај) во 20 часот, во Културно информативниот центар, во изложбениот салон „Империјал 1“, ќе се одржи промоција на поетската книга „Живот на меѓукат“ од Јовица Ивановски.
Ова е неговата осумнаесетта збирка поезија и првата по добивањето на наградата „Браќа Миладиновци“ за книгата „Човек“ (2019).
За книгата ќе зборува Ѕвездан Георгиевски а песни од книгата ќе читаат Борче Николовски, познат македонски поет и преведувач, и Исмет Шабановиќ, актер од Драмски театар - Скопје.
Јовица Ивановски е роден во Скопје, 1961 година. Автор е на седумнаесет книги поезија и неколку избори на македонски и англиски. Застапен е во повеќе антологии и препеан на петнаесетина јазици. Добитник е на наградата „Браќа Миладиновци“, на Струшките Вечери на Поезијата, за книгата „Човек“ (2019). Сè уште живее и работи во Скопје.