ЕДМО: Дезинформациите насочени кон LGBTQ+ заедницата се едни од најприсутните во ЕУ

Европската опсерваторија за дигитални медиуми ЕДМО (edmo.eu) објави анализа „Правата во време на конспирации и лажни вести: дезинформации против LGBTQ+ во ЕУ“. Во анализата на мрежата за проверка на факти на ЕДМО се истакнува дека „Погрешните информации и дезинформациите насочени кон LGBTQ+ заедницата се едни од најприсутните и најконзистентните во Европската Унија“.

„Се чини дека лажните вести на оваа тема стануваат се поподмолни, со неосновани тврдења кои често поттикнуваат омраза кон малцинствата, законите и институциите“, се поентира во анализата.

Во анализата на ЕДМО се идентификуваат пет лажни нарации како најзастапени во земјите членки на ЕУ:

- Геј и трансродовите луѓе се болни, а транзитирањето доведува до ментални болести

- Луѓето кои припаѓаат на LGBTQ+ заедницата се педофили

- Луѓето кои припаѓаат на LGBTQ+ заедницата се насилни и опасни, и извршители на масовни престрелки

- LGBTQ+ лицата добиваат повластен третман во спортовите

- Теории на заговор за „диктатурата“ на LGBTQ+ филозофијата и за „индоктринацијата“.

Во анализата се даваат бројни примери како овие наративи се ширени во различни земји од ЕУ, особено во Шпанија и Унгарија.

извор: смк.мк