Пендаровски во посета на активистот Суад Мисини

20.06.2023 13:04
Пендаровски во посета на активистот Суад Мисини

Претседателот Стево Пендаровски утрово го посетил активистот Суад Мисини, кој во текот на вчерашниот ден почна штрајк со жед, со цел да им помогне на граѓаните кои имаат проблем со личните документи.

Како што информираше Пендаровски на својот фејсбук профил, во разговорот го информирал Мисини дека го потпишал Указот на законот со кој се изменува Законот за матична евиденција на граѓаните.

„Со овие измени им се овозможува на над 600 наши граѓани да ги решат нивните проблеми и да добијат лични документи. Исто така со измените ќе се реши и проблемот со бездржавјанството и секое дете кое ќе биде родено во земјата ќе добие извод при раѓање, без разлика дали неговите родители имаат или немаат лични документи“, појасни претседателот.

Тој потенцира дека е потребно што е можно поскоро да се направат измени и во Законот за живеалиште и престојувалиште, со што ќе се овозможи на уште една ранлива категорија граѓани да извадат лични документи.

Пендаровски апелира до пратениците во македонското Собрание кои веќе работат на овој процес, да го завршат час поскоро, затоа што, како што посочува, секој човек има право на достоинствен живот.

 

Извор: https://novatv.mk

 

ОкоБоли главаВицФото