ивановото детство

во сеќавањето имам
даденост неспорна како зграда:
никој не ме сакаше
како ти

сепак
одредени нелогичности
ja доведуваат во прашање
сигурноста на сеќавањата

детективски гледано
нешто не се вклопува

како е можно
некој
толку брзо
да престане да сака
некого
и да го замени со друг

тоа не го очекуваш од некој
кому сцената со бакнежот
од ивановото детство
му е омилена

тишината на тарковски ечи во мене
во неговите филмови вода насекаде
пасивна, црно-бела вода

заљубливиот дечко од рускиот филм
во преголема јакна
ја повторува судбината на татко си
ги изневерува сопругата и децата

мрачниот дечко од рускиот филм
плачеше
по премиерата на огледало
никој не го разбра

останува нерасветлено прашањето
за именувањето и постојаноста
на твоите чувства

рацете и натаму ќе ми се тресат
додека од мене не истече последната
единица нежност

затворениот дечко од рускиот филм
го преиспитува значењето на смислата
неговото име е она
што најмногу ме растажува

Превод: Љупка Евроска