1029 hPa
80 %

-3 °C
Скопје - Вто, 11.02.2025 22:59
Срцето ми се крши од работа.
Тоа одмор да ти било голема работа бе!
Имам видено 10 саати спиење како се влечат по улица и 2 саати сонување како прават живот.
Пристанав ради исправност, прилегнав ради рамноправност.
Стапалата ме одржуваат во жив ôд.
Воркохолик иде на одмор на Ажурна обала.
Што и да си, во Турција сКушадаси.
Сѐ што треба за колоната во која возиш да почне да се движи побрзо е да се преместиш во другата колона.
Што знае мравка што е блага депресија.
Викај ме флекси-билка и навади ми ја душата.
Манекенка полага за одење на испит.
Пред да влезе во теретана беше Игор. Кога излезе, беше Развигор.
Како не ви е грев да ставате пешачки премини врз кутрите лежечи полицајци!
Изгубена е сметка за вода во очите. Коj ќе ја види скапо ќе плати.
Конечно еднаш на време да задоцнам. А мислев дека ќе задоцнам.
Виножито е облаче што лобува.
Елеватор е лифт-нудист.
Каде се и што прават тетратките со дебели корици што ни служеа ко лопатки за пинг-понг?
Временските машини се вратија во мода.
Едно време носев протеза за израмнување на забите. Тоа беше... незаборамно.
Извор за стрип панелите: Pappy's Golden Аge