Арка

Замисли беспрекорна арка за пат
на тих океан разреден речиси докрај,
арка што е посовршена од онаа на Ное,
која пловела низ разгневени води.
Замисли арка со необичен облик:
сфера што плови вртејќи се околу себе
по невидлива врвица исцртана од ѕвезда,
арка што без оркестар танцува со еóни.
Нејзиниот пристан е во самата неа,
целосно предадена на незапирниот танц,
на променливите мени на денот и ноќта,
на будењето од сон на заспаните сезони.
Замисли арка со раскошни бои
со води што клокотат, со живот што буи,
арка и земја на која се раѓа и умира,
на која сте ти, и сите твои.
Замисли само колку е убав
тој фантастичен а остварен сон!