Passion

Тој ми призна дека ноќе ја затвора мачката во лифт.
Криците нејзини, очајни, бесни,
удираат во ѕидовите, а најмногу дивиот мјаук,
го потсетува, вели, на мене.
Целата долга ноќ мирната синокоса женичка крај него спие.
Тој слуша: мачката во лифтот, веќе луда,
со главата се залетува во стаклото
со канџата себе кожа си кине бесниот ѕвер
вреска џунглата низ рбетот накострешен
со главата в ѕид, со ситните коски на шепата директно в ѕид!
И точно тогаш кога мачката го испушта последниот страшен лелек
тој во мракот затреперува, кришум, под јорганот.
Рано взори, пред сите, мојот сакан ме влече за мртвата опашка
и ме фрла на ѓубриште.

Превод: П. В.

Јелена Ленголд (1959) - српска писателка. Пишува песни, раскази и романи. Една од најпреведуваните авторки од овие простори. Живее во Белград како професионална писателка.