Грци

-Жалењето на Лаватер:

Крвта била поубава кај Грците отколку кај нас. [...] Ах! Да им ги откриле големите вистини на верата, со каква само ажурност би ги прифатиле! Да го спознале Христа, со каква само радост би му оддале признание и почест!

Гаспар Лаватер (Gaspard Lavater), Уметност на запознавање на луѓето врз основа на нивната физиономија (L'Art de reconnaître les hommes par la physionomie), 1807.

-Сериозноста на Ламене:

Тој, толку сјаен народ, не основал ништо, не установил ништо трајно, и од него ни останува само уште сеќавањето на злосторствата и ужасите, книгите и статуите.

Ламене (Lamennais), Студија за рамнодушноста (Essai sur l'indifférence), 1823.

-Малку историја:

Евреите и Римјаните ја изгубиле својата националност борејќи се против Небото а тоа што, пред неколку години, Грците ја открија својата, се случи само затоа што му останаа верни.

Жозеф-Емабл Грегоар (Joseph-Aimable Gregoire), Четири вистини, или Систем на доблести применлив на сите нации (Les Quatre Verité, ou le Système de la vertu applicable à toutes les nations), 1842.

Извор: DICTIONNAIRE DE LA BÊTISE et des erreurs de jugement, Editions Robert Laffont, S.A., Paris, 1965.

Слика: Claudio Francescato