1007 hPa
93 %
7 °C
Скопје - Саб, 27.04.2024 04:59
Ова е ноќниот кошмар на кинооператерот:
Птица влетува во темната сала,
го пронаоѓа одблесокот, лета низ него,
удира во екранот што емитува градина,
залез на сонце и двајца прекрасни луѓе.
Вистинска крв, вистински црева се лизгаат
низ снимката на дрво.
„Ова не чини“, негодува публиката,
„Не дојдовме ова да го гледаме.“
Препев: П. В.
Браен Петен (Brian Patten, 1946), англиски поет, роден во Ливерпул. Објавил повеќе десетици стихозбирки, голем дел од нив кај мали издавачи. Пишува и книги за деца, од кои најпозната е „Последниот случај на господин Мун“. Издал и неколку плочи на кои ги чита своите песни.