„Претстава за животот во време на изумирање”

„Претстава за животот во време на изумирање”, во Литванскиот народен театар

Возејќи велосипед на сцената, актери од Литванија произведуваат струја за изведба на претстави. Театарското дело кое го напојуваат „нозете” на актерите има симболично и предупредувачко име „Претстава за животот во време на изумирање”. Се занимава со придонесот на климатските промени во шестото масовно изумирање.

По само седум минутно вртење на педалите на велосипед кој ја складира енергијата произведена од движењето, рутерот може да работи еден час. За петнаесет минутно педалирање би генерирале доволно струја за полнење на телефон, а за половина час, би можеле да наполните таблет.

Ваквите пресметки ги презентираше стартап компанијата Tukas EV од Литванија, која го произведува велосипедот наречен HR Bank.

Неговата корисност ја надминува секојдневната употреба во домаќинствата или во ситуации кога електричната енергија се губи поради природна катастрофа.

Два специјално дизајнирани велосипеди неодамна обезбедиле енергија за да се одигра цела претстава во Литванскиот народен театар во Вилнус.

Станува збор за театарско дело кое симболично и предупредувачки се нарекува „Претстава за живот во време на истребување“, напишана од американската драмска авторка Миранда Роуз Хол.

Главниот јунак во форма на монолог проповеда за појавата и изумирањето на различни видови, се до денес кога човештвото, предизвикувајќи климатски промени, ја доведе планетата на работ на шестото масовно изумирање.

Текстот на претставата е прилагоден за да може да се реплицира во која било земја, со ангажирање локални режисери и актери и користење на локална сценографија. А за локално произведена електрична енергија на сцена стапуваат велосипедите на HR Bank.

На кој принцип работи велосипедот HR Bank?

Велосипедот HR Bank во суштина е големо складиште за енергија со педали, управувач и седиште. Од обичните велосипеди за вежбање се разликува по тоа што енергијата „произведена” од нозете на возачот ја претвора во електрична енергија, која потоа ја складира во батеријата.

Така, додека корисникот ги врти педалите на велосипедот доаѓа до трансформација на кинетичката енергија во електрична енергија.

Покрај тоа што батеријата на овој велосипед може самостојно да се полни со вртење на педалите, може да послужи и како надворешна батерија која ќе се полни од електромрежата или со помош на сончева енергија.

Во верзијата претставена на литванската публика, двајца актери ги вртат педалите на сцената за да генерираат струја, која, меѓу другото, се користи и за осветлување.

Уникатниот копродукциски систем во рамките на проектот „Сцени” овозможува претставата за кризата да го обиколи светот, без да долева масло на огнот. Еден од театрите што учествуваше во проектот од регионот е и Хрватскиот народен театар од Загреб.

„Претстава за животот во време на изумирање”, во режија на Аница Томиќ, во Хрватскиот народен театар

Извор:https://www.euronews.com