Kraftwerk - Tour De France (Live at Exit 2009)

ТЕМА: Фестивалот EXIT
 
Неприкосновените кралеви на електронската музика, Kraftwerk, настапија на третата фестивалска вечер на овогодинешниот Exit, одржана на 11 јули. Притоа, публиката ја оставија без здив со својот магичен аудио- визуелен перформанс, а таа реагираше со огромно воодушевување уште на воведните тактови на сите нивни познати теми, од кои една е и "Tour De France" од 1983. Таа е посветена на познатата француска бициклистичка трка, со оглед дека членовите на групата се големи обожаватели на тој спорт. Формирани се во 1970 во Дизелдорф, а истата година го издаваат и својот прв и за пошироката публика помалку експониран албум, чиј експериментален звук е поприлично различен од оној по кој тие станаа познати. Kraftwerk се пионери на современата електронска музика, на која работат уште од далечните 70-ти години и како такви, извршија страотно влијание на низа артисти кои се појавија подоцна, но кои никогаш не успеаа да ги соборат од тронот.