1017 hPa
100 %
7 °C
Скопје - Пон, 06.05.2024 05:59
Освен заканите со вооружените сили, Северна Кореја отвори нов фронт во борбата против најомразениот непријател - Соединетите американски држави. Иако звучи и изгледа трагикомично, еден од инсертите од документарниот филм на пропагандната машинерија на Северна Кореја се занимава со сиромаштијата во САД. Колку и да е криминално режиран, севернокорејскиот филм сепак укажува на една непореклива вистина, а тоа е драматичниот пораст на бројот на сиромашни во најбогатата земја на светот.
Се проценува дека околу 50 милиони американски граѓани и граѓанки живеат под линијата на сиромаштија. Значаен дел од американското население е на чекор од бедата, додека повеќе од два милиони луѓе се во затвор, а пет милиони на условна слобода. Кога на тоа ќе се додаде растечката ерозија на граѓанските слободи, милитаризацијата и ширењето на полицискиот апарат, орвелизацијата на интернетот и растечката дехуманизација (со посредство) на високотешнолошките системи, потсмевањето на севернокорејскиот филм - без оглед на тоа дали сме државјани на Империјата или не - може да биде со краток здив, бидејќи инверзивниот тоталитаризам на Запад секој ден, во секој поглед, застанува на нозе и го покажува своето вистинско лице.
Извор: kontra-punkt.info