Харлем: лето 1970-то

Животот во 70-тите се карактеризира со уникатна живост и естетика, по што се разликува од било која деценија пред или потоа.

Џек Гарофало (1923-2004), остварен професионалец за улична фотографија за списанието Paris Match, го поминува летото 1970 година документирајќи ги животите на обичните луѓе на Харлем, Њујорк, населба која во тоа време минува низ егзистенцијална криза.

Харлем во 1970-тите бил подложен на егзодус. Сите кои биле во можност, се преселувале во други населби во Њујорк за да избегаат од лошата инфраструктура и криминалот во соседството. Некои останале затоа што немале можност да се иселат, додека други останале затоа што, и покрај сѐ, сакале да останат. Фотографиите на Гарофало како временска машина, нѐ враќаат во минатото и ни го пренесуваат реалниот живот на 70-тите.

Фотографии: Jack Garofalo
Извор: Abrasivo Cultural