1016 hPa
68 %
20 °C
Скопје - Сре, 08.05.2024 09:59
Приватните универзитети одлучија наредната година на своите студенти да им доделат бесплатни дипломи поради економската криза која ја зафати Македонија изминативе години.
Во соопштението се наведува дека одлуката е донесена за да се помогне во напорите на земјата што побргу да излезе од кризата и дека тоа може да се изведе на два начини.
Прво, бесплатното доделување дипломи директно ќе им помогне на голем број студенти бидејќи ќе бидат ослободени од трошоците, а второ, тие со помош на целосно бесплатното знаење некој ден ќе придонесат за општеството, со што ќе биде постигнат максимален ефект. Со минимално вложување ќе биде постигната максимална добивка, а тоа го нема на ниту еден факултет кој ги наплатува своите дипломи.
Универзитетите наведуват дека бесплатната диплома е нивниот придонес кон општеството.
„Нам дипломите не ни значат ништо, а на студентите ќе им значат многу. Со тоа ги повикуваме работодавачите да ја променат политиката кон приватните универзитети така што нашите дипломи ќе им значат многу и ним, бидејќи засега е јавна тајна дека тоа не е случај. Тоа е единствениот начин сите заедно да тргнеме напред, без оглед дали сме приватни или државни универзитети, и дали дипломата е бесплатна или купена. Иако сѐ уште нема официјална потврда, според некои информации возможно е некои државни факултети, како одговор на иницијативата на приватните, да иницираат акција наречена ’2+1’ со која на две платени дипломи, третата ќе биде бесплатна“, се вели во соопштението на приватните универзитети.