1016 hPa
64 %
20 °C
Скопје - Пет, 17.05.2024 14:19
Коњот судбина од прикаска,
коњот судбина...
Трње му на чело.
Суши му на бедра.
Пепел му под ребра.
Си ја дроби со копита главата.
Грива ќе испасе.
Си ги кине со заби жилите.
Себеси со себе ќе се напои.
Зад него орли на уплав,
Пред него бездни и тајни.
Коњот судбина од прикаска,
коњот судбина...
Под неговите плешки отчукуваат
дамарите на раскажувачот.
На оној раскажувач
со твое име.
Разбираш?
Името на сите ни е едно:
Одминливост.