Ловец

Често, кога тетивата
ќе ја потпрам врз увото,
ја натегам
и ја пуштам стрелата -
не паѓа ниту еден ѕвер,
но низ целото мое битие
струи наслада од лов.

Понекогаш
цел на видикот нема,
а ни стрела со лак.
Но јас несвесно
ја затегам тетивата:
не гаѓам, а сепак кој знае каде
погодено е некое срце.

Препев: П. В.

Сачинанд Хирананд Ватсјајан (Saccidanand Hirananand Vatsyayan Ajney, 1911-1987), популарно познат под неговиот псевдоним Ајнеј (или Агеј - Непознатиот) е индиски поет, зачетник на модерните трендови не само во поезијата на хинду јазикот, туку и во областа на белетристиката, критиката и журнализмот. Тој е еден од највидните претставници на Nayi kavita (Новата Поезија) на хинду. Постојано патувал и низ Индија и во странство. Меѓу 1961 и 1964 година предавал на Беркли, во Калифорнија. Во 1965 година се враќа во Индија и станува уредник на тамошното списание Dinmaan. Во 1968 година заминува на патување низ Европа, па одново професора на Беркли, па во Хајделберг...