Технолошки најиновативната година досега

2010-та во технолошка смисла беше најиновативна досега, а и покрај тоа што загазивме во период кога повеќе ништо не може да нè изненади, на индустријата на технологии тоа и понатаму и’ успева.

Минатата година ќе ја запаметиме по ширењето на друштвените мрежи, сè поголемото користење апликации и низата уреди кои веќе го освоија пазарот.

3D

За популарноста на 3D технологијата сигурно најмногу придонесе филмот „Аватар“ на Џејмс Камерон, кој го отвори патот за Холивуд, по навистина долго време, да им понуди нешто ново и поинакво на гледачите. Меѓутоа, по филмската индустрија, и останатите техно џинови тргнаа во поход на 3D, па сега пазарот е преполн со 3D преносни сметачи и телевизори.

Друштвени мрежи

Пред сè, овде мислиме на Фејсбук зад кој се наоѓа најуспешната година во неговото постоење. Во 2010 г. Фејсбук ја надмина бројката од над половина милијарда корисници, и сите свои ривали, освен Твитер кој го зголеми бројот на своите членови за сто милиони, ги исфрли од игра.

Апликации

iTunes, Google Market, Ovi store... Ова се најфренквентните места во кои се наоѓа новиот „Свет грал“ на технологијата – апликациите. Десетици илјади апликации за оператерите и производителите претставуваат огромно парче од пазарот чија вредност се проценува во милијарди долари.

Електронски книги

2010 беше пресвртница за електронските книги, најмногу поради тоа што оваа година беше клучна за е-читачите. Amazon со новата верзија на Kindle го погоди масовниот пазар во самиот центар, додека брендовите како Sony исфрлија напредни серии на своите е-читачи. Заедно со нив добивме милиони електронски книги, на кои им се придружи и Гугл со најголемата интернет библиотека во светот.

Паметни телефони

Малку повеќе од една третина од пазарот на мобилни телефони го заземаат паметните телефони (smartphones), а 2010 сигурно беше нивна година. Пазарот на овие телефони е најбрзорастечкиот сегмент на пазарот за мобилни телефони, а во 2010 г. нивната продажба во однос на претходната година порасна за неверојатни 96%.

Android

Оперативниот систем Android е најуспешниот за 2010, а моментално во светот постојат повеќе од 300 000 направи кои функционираат овој оперативен систем на Google. Најголем дел од нив се мобилни телефони, а потоа следат таблет уредите.

Таблет

Таблет уредите во 2010 г. беа „најжешката стока“. Нивниот феномен започна кога Apple го претстави iPad, а потоа сите производители се фрлија на осмислување свои модели. Најголемата конкуренција за iPad се Samsung Galaxy, Dell Streak и Playbook од RIM.

Apple

Стив Џобс дефинитивно и’ побегна на конкуренцијата, а во 2010 се прослави со iPad, iPhone4, новиот MacBook Air, и новата серија на сите нови модели на iPod. iPad и iPhone4 очекувано предизвикуваа општа хистерија, додека новиот MacBook Air и понатаму останува најтенкиот преносен сметач во светот. И според заработката, 2010 беше најуспешна за компанијата Apple.

Извор: jutarnjilist.hr