Боли глава

Сега ќе бидеме уште поблиску еден до друг.
Бранко Црвенковски, експретседател, ја коментира локацијата на својот кабинет, кој е во непосредно соседство на премиерот Груевски

Се бориме, правиме сè... Имаме големи напори, ама некако гледате и она што требаше да биде радост, без лезет е. Имаме нов стадион, нова трибина.... Некако, како некој да фрлил клетва...

претседателот Ѓорге Иванов им се обраќа на фудбалските репрезентативци на РМ

Забраната за продажба на алкохол во вечерните часови, е заштитна мерка која ги поставува основите за односот кон ова зло, не смееме како заедница и понатаму да го потхрануваме култот на пијанството.

Алекс Букарски, Дневник 11.08.2009

Секој оној кој ПРЕГОВАРА за името на Македонија го прогласуваме за ПРЕДАВНИК на македонскиот народ, ПРЕДАВНИК на сопствените прадедовци ПРЕДАВНИК на крвта на настраданите пролеана како река за самостојна и
независна Македонија и ПРЕДАВНИК на Господ Исус Христос кој ни го подарил македонското име, духот македонски и нашата македонска култура. Очекуваме од властите на Македонија да се повлечат од преговорите за името. Во спротивно кон нив, како и кон секој кој не
само што се согласува за било каква измена на името, туку што се согласува на било какви преговори ќе се однесуваме како кон предавници и ќе ги повикаме на одговорност и на суд пред македонскиот народ.

соопштение на Македонско Братство (http://www.makedonskobratstvo.org)

Ние не веруваме дека нешто такво може да се случи. Значи тоа е просто невозможно или, речено по скопски, ни Чак Норис не може да го изведе тоа, да ја изгради црквата а да не даде за џамијата.

Рамадан Рамадани, член на координативен одбор за изградба на Бурмали џамија на скопскиот плоштад

Иванов во својата биографија ќе наведе дека „пред дваесет години имал храброст да се соочи со тогашната власт“, но прашањето сега е дали има храброст да се соочи со сегашната власт во која нема место за друга ѕвезда освен за Груевски.

Соња Крамарска, новинар на Утрински весник, во текст од 22 јули