1014 hPa
61 %
23 °C
Скопје - Пет, 17.05.2024 18:38
Не висам на закачалка
За да ме земеш кога ќе ти се ќефне,
Како кабаница или сламен шешир.
Зависно од тоа
Дали врз тебе грмат или светкаат,
Или ти го пржат и онака вжареното теме.
Врз кое и јас би можела да испечам сешто „на око“.
Но мене повеќе ми е важно твоето месо.
Правењето скара.
Месо крај месо,
Тоа е важечката монета.
Апоени од‒до воздишките „ах“ и „ох“.
Размена на сокови, без зборови.
Без кусур.
Препев: П. В.
Радмила Лазиќ (1949), една од најзначајните српски поетеси. Досега објавила петнаесетина свои поетски книги и неколку антологии. Основач е и уредник на списанието за женска книжевност ПРОФемина.