1016 hPa
77 %
17 °C
Скопје - Сре, 15.05.2024 16:00
Тројца луѓе од Туркестан биле следбеници на некој фалбаџија и незнајко кој знаел само пар зборови персиски. Себеси се нарекувале негови ученици, а тој ги научил да кажат три збора. Секој научил по еден: „ние“, „не сме“ и „среќни“.
Штом го постигнале ова знаење, ништо веќе не можело да ги спречи да тргнат на пат со цел да ги посетат светите места и да се поклонат пред олтарите на мудроста.
На својот пат стигнале во Корасан и на една улица здогледале мртов човек како лежи во прашината. Тие се симнале од коњите за од поблиску да ја видат чудната глетка. Како што тоа го направиле притрчале некои минувачи и прашале:
„Кој го убил човекот?“
„Ние“, рекол првиот ученик, употребувајќи го единствениот персиски збор што го знаел.
На тоа ги врзале и ги одвеле на суд. Судијата рекол:
„Зошто се собравте околу телото?“
Вториот ученик рекол:
„Не сме.“
Тоа е лага“, рекол судијата. И тогаш прашал:
„Како се чувствувате откако го убивте човекот?“
„Среќни“, рекол третиот ученик.
„Луѓево се чудовишта!“, повикале корасанците.
Судијата прашал:
„Што е мотивот на вашиот злостор?“
„Ние не сме среќни!“, ги извикале тројцата единствените три персиски збора што ги знаеле.
„Тие се навистина непоправливи убијци“, рекол судијата и ги осудил на смртна казна.
Слика: Фарук Коксал