Концерт на џез гитаристот Лучано Понѕано

Лучано Понѕано повторно со соло настап во кафе-книжарница Буква, во четврток, 18 јануари, пред да започне турнеја низ Германија и Швајцарија со својот бенд The Hawks Triad. На гитара ќе свири своја оригинална необјавена музика и избор на песни од двата албума на бендот.

Лучано е роден во Кордоба, Аргентина. Студирал Музичка композиција на Националниот универзитет во Виља Марија и работел како професор по музика, гитарист и пијанист во различни институции и групи додека не се преселил во Европа во 2018 година. Оттогаш, тој свири во различни групи низ цела Европа додека не го формира бендот The Hawks Triad заедно со швајцарските колеги Адријан Бокли и Грегори Шерер во 2021 година.

Бендот самостојно го издаде албумот Dorcol Tapes во 2022 година и го објави Carnivale во август 2023 година, преку меѓународно признатата швајцарска издавачка куќа UNIT.

Албумот претставува промена во насоката на бендот кој се стреми кон потопол звук повеќе инспириран од Американа, roots музика и џез. Бендот со нетрпение ја очекува следната турнеја зима/есен во 2024 година низ Германија и Швајцарија.