Возач на ЈСП не ги излижал прстите пред да продаде картичка

27.03.2013 14:42

Скопје, 27 март 2013

25-годишниот Мишко Пазувчески од Скопје се пожалил дека кога вчера околу 17:15 часот се качил во автобус на ЈСП со број 24 и купил картичка, возачот не ги излижал прстите пред да му ја подаде. Поради тоа, на возачот му успеало да ја извлече картичката од купчето дури од третиот обид.

„Не ми фалат толку лигите на возачот, ниту ми пречи тоа што почекав дополнителни три секунди, колку што ме иритира неговата непрофесионалност и нееднаквиот третман. Патничката што купи карта после мене ја доби прописно, извлечена со лизнати прсти“, се жали младиот Мишко.

За овој немил настан тој ги известил и надлежните во ЈСП. Во знак на извинување, тие му доделиле бесплатен месечен билет, а за да му надоместат за нееднаквиот третман, при предавањето на билетот вработената во билетарата ги излижала прстите пред да го извлече билетот од купчето, како и при лепењето на маркичката.

Пазувчески вели дека и понатаму ќе ги користи услугите на популарните црвени автобуси и се надева дека ваквиот инцидент нема да се повтори.

хумор / јавен превоз / ЈСП / автобус

Слични содржини

Пара вести

Од Rexona демантираат: не го купуваме ЈСП

Пара вести

Ново правило во автобусите на ЈСП: обичните смртници ќе мораат да им го отстапат местото на вмровците

Пара вести

ЈСП: Со новите цени го стимулираме пешачењето

Пара вести

Прекрстувањето во автобус станува задолжително

Пара вести

Пастрмајлија се обидела да се самозапали слушајќи го свечениот говор на Иванов

Пара вести

Сторија на Сител: Груевски беше во веце и ги слушна своите потреби

Пара вести

Научници во Македонија ќе бараат ВМРОвец со смисла за хумор

Пара вести

ЈСП воведува нова „експертска“ автобуска линија

Око

СЕКОЈ ДЕН ПЕСНА

Диана Буразер

Илузија

Едно од ова е илузија, ми вели илузионистот покриен со црна, семоќна наметка, оставајќи ми великодушно, можност за избор.

29.05.2024

Вести (time.mk)

Канал 103 .

Боли глава

Арсим Зеколи

Малку пари, малку повеќе пари, и најпосле пари над сè друго

Наклонетоста на Ахмети кон Груби контра Меџити е новост на денешницата, но доколку се потсетиме на почетоците на ДУИ ќе се присетиме дека истиот пристап го користеше и во фаворизирањето на Меџити („храбро момче кои само што почна да се бричи”) во судирите со Беќир Асани, и особено со традиционалните интелектуални кругови во Скопје, кои претходеа на ДУИ.

Алчноста на Ахмети тогаш се отсликуваше низ патолошката омраза кон сè што е урбано и современо, секој кој со мачните искуства од 80-тите и 90-тите ја загрозуваше неговата неприкосновеност на „нов Скендербег”. Тогаш Меџити беше само актер кој итромански ја разбираше, искористуваше и хранеше провинциската глад на лидерот за слава.

Времето течеше, нештата се менуваа, а некогашниот марксист оз Зајаc полека ги откриваше доблестите на капитализмот. Груби беше само актерот кој навреме ја препозна провинциската глад на лидерот за пари и го хранеше со малку пари, малку повеќе пари и најпосле со пари над сè друго. Алчноста на Али ја проголта фамата за Ахмети, а ДУИ падна врз сопствениот меч.

Арсим Зеколи, Дојче веле, 23.05.24.