„Помеѓу природата и активизмот ”- изложба во галеријата на ФЛУ

Во Галеријата на Факултетот за ликовни уметности (објект Педагошки факултет) вечерва, 29 февруари, во 20 часот ќе биде отворена изложбата Летна школа New Art For(u)m, Сесија: Помеѓу природата и активизмот. Проектот New Art For(u)m е замислен како еднонеделна летна школа за експериментални уметнички практики изведена надвор од факултетските ателјеа на алтернативна локација (населено место Лазарополе, Општина Маврово и Ростуша).

Предмет на интерес на оваа сесија на школата беше Land & Environmental уметноста. Истражувањата и работилниците изведени на школата реферираа кон проширување на практични сознанија и искуства на студентите за Land & Environmental уметноста, во конципирање на вонатељерски ликовен контекст близок до жанрот на инсталацијата, а тесно поврзан со пејсажот – велат од ФЛУ.

Учесниците имале можност да се стекнат со нови и проширени сознанија за Land & Environmental уметноста, нејзината референтност во осмислувањето на индивидуално просторно или концептуално ликовно дело или проект. Екстензивната улога на локацијата, екстериерот, екогеографијата, геологијата, климата, флората, светлината итн. како појдовна точка.