Најбрзата камера во светот

Професорот Јинјанг Лианг и неговите колеги од канадскиот институт за научни истражувања INRS во Квебек развија нов ултрабрз систем на камера што може да направи до 156,3 трилиони слики во секунда со неверојатна прецизност која за прв пат овозможува 2Д оптичко снимање на ултрабрза демагнетизација во една снимка.

Овој нов уред, наречен Scarf, може да снима минлива апсорпција во полупроводник и ултрабрза демагнетизација на метална легура. Овој нов метод ќе помогне да се поместат границите на знаење во широк опсег на области, вклучувајќи модерна физика, биологија, хемија, наука за материјали и инженерство.

Досега, ултра-брзите системи на камери најчесто користеа пристап кој вклучува последователно снимање на кадри еден по еден. Тие собираа податоци преку кратки, повторени мерења и потоа ги спојуваа сите заедно за да создадат филм кој би го реконструирал набљудуваното движење.

„Меѓутоа, овој пристап може да се примени само на инертни примероци или на феномени кои што секогаш се одвиваат на потполно ист начин. Кршливите примероци, да не ги споменуваме феномените кои не се повторуваат или оние со ултрабрза брзина, не можат да се забележат со овој метод“, наведува професор Јинјанг Лианг, експерт за ултрабрзо и биофотонично снимање. „На пример, феномените како што се фемтосекундната ласерска аблација, интеракцијата на ударните бранови со живите станици и оптичкиот хаос не можат да се проучуваат на овој начин.

Првата алатка развиена од професорот Лианг помогна да се пополни оваа празнина. Системот T-CUP (компресирана ултра-брза фотографија со билион слики во секунда) се засноваше на пасивно фемтосекундно сликање што можеше да добие десет трилиони слики во секунда. Тоа беше огромен прв чекор кон ултрабрзо, поединечно фотографирање во реално време.

Модалитетот на снимање на системот Scarf овозможува ултра брзо поместување на статично кодираниот отвор на блендата без да се наруши ултрабрзиот феномен. Ова овозможува стапки на кодирање со полна секвенца до 156,3 THz за поединечни пиксели. Овие резултати може да се добијат во една снимка со прилагодливи стапки на слики и просторни размери во начинот на рефлексија и пренос.

Scarf ветува и многу атрактивни економски резултати. Две компании, Axis Photonique и Few-Cycle, веќе работат со тимот на професорот Лианг на производство на пазарна верзија на патентното откритие.

Истражувањето е објавено во списанието Nature Communications и може да го најдете на овој линк.

Извор:https://petapixel.com