1022 hPa
87 %
10 °C
Скопје - Пон, 29.04.2024 02:59
Самоубиството
треба да се изврши по појадокот.
За појадок е најдобро да се испие
шолја млеко.
Млекото содржи многу витамин А.
Витаминот А штити од болести на окото.
Окото служи за гледање.
А светот треба да се гледа.
Самоубиството
треба да се изврши колку што е можно
потивко.
Толку тивко
како кога мува минува по виолинскa жицa
и создава нежен звук или можеби
само воздивнува.
А остатоците од лебот
треба да се фрлат на птиците.
За да продолжат да живеат.
За да продолжат
да живеат
Превод: Николина Андова Шопова