За заљубените истата грижа

За заљубените истата грижа - како и за мртвите,
Штици се потребни исто така едвај шест,
И исто количество придушена светлина.

За заљубените истите заслуги - како и за мртвите,
Собата со љубов обложете ја и со бојазливост,
На децата пристап забранете им.

За заљубените - мрачни во радоста - истите облеки.
Ни вратата уште не се заклопи,
Ни земјата уште не се засипа,
А од телата претешкиот брокат им падна.

Препев: П. В.

Станислав Гроховиак (Stanisław Grochowiak, 1934, Leszno – 1976), полски поет и драмски писател. Го вредуваат меѓу таканаречените „турписти“ поради неговиот интерес за грдото, бруталното, строго физичкото. Неговата поезија нема украси и „барокизирања“, туку е немилосрдно директна.

оригиналната песна