1016 hPa
87 %
9 °C
Скопје - Пон, 06.05.2024 03:59
Предлагам економскиот тим на владата во поворка да помине под сводот на Триумфалната Брука... во чест на освоеното прво место на ранг листата на Економист.
Костурчанец, коментар на Окно; 11.01.12.
Вие не дебатирате за вашиот предлог-закон и за начините како да спроведеме добар попис, туку зборувате за пропаднатиот попис, што е доказ дека сакате да соберете ситни политички поени преку провокации, проблеми и хаос, со цел да предизвикате раздор во коалицијата и во општеството.
Илија Димовски, пратеник, ја кара опозицијата во собранието; дневен „Фокус“, 10.01.12.
Лично сметам дека уметниците на овој начин добиваат слава и излегуваат од анонимност по нивната смрт.
Никола Груевски, на отворањето на „Триумфалната порта“, 06.01.12.
Проектот „Скопје 2014-та“ и „Порта Македонија“ уште недоизградени добија своја историја. За тоа се погрижија многу наши неистомисленици и независно што ќе се случува во иднина на ова место низ времето што доаѓа, овој проект веќе има своја историја за која сигурно во иднина многумина ќе ја проучуваат, прераскажуваат, фалат или критикуваат, препишуваат или документираат. Во иднина ќе биде невозможно да се направи документарен филм или книга, а да нема дел посветен на проектот, како и на неговите поединечни објекти, независно кој и со каква цел ќе го прави.
Никола Груевски, на отворањето на „Триумфалната порта“, 06.01.12.
Шерифот Патрик Саливен од округот Арапахо во американската држава Колорадо бил толку добар во својата работа, што по неговото пензионирање во 2002 година окружниот затвор го добил неговото име - казнена установа „Саливен“. Иако секогаш се апелира да не се именува ништо според живи луѓе, надлежните решиле да го прескокнат овој принцип, бидејќи се чувствувале премногу должно кон шерифот. Арно ама, само пред три недели тој беше уапсен со метамфетамини, па така, сега шерифот Саливен е притворен во затворот „Саливен“, пишува весникот „Денвер пост“.
„Нова Македонија“, 06.01.12.
Дванаесетпалачното црево на Мартин Протуѓер, да речеме, е долго триесетичетири палци, а на Гордана Јанкуловска и на Благороднето Дулиќ има по 335 палци. Во овие слатки женички просто нема место за други органи. Има и обратни случаи: Влатко Ѓорчев, на пример, воопшто нема дванаестпалачно црево што ја објаснува интензивната смрдеа на гомната што ги исфрла на јавната сцена. Тоа се, драги мои, чисти, нерафинирани гомна.
Бранко Тричковски, „Глобус“, 03.01.12.
По шеснаесет порази по ред, Витас Герулаитис успеал да го победи Џими Конорс... По натпреварот Литванецот од Америка изјавил:
-Никој не може да го победи Герулаитис седумнаесет пати по ред!
Па си мислам: да не има лидерот на опозицијата литвански корени, бе. Јас немам, ама тврдам дека никој не може да го победи Црвенковски седумнаесет пати по ред. Никој. Бројте, пичка ви материна блесава.
Бранко Тричковски, „Глобус“, 03.01.12.
За смртта на Глигоров - веста кај македонците во Австралија беше примена со голема радост за неправдата што ја нанесе во Обединетите нации кога Македонија беше примена под името Поранешна Југословенска Република Македонија, и за коментарот кога Глигоров спомна дека македонците немаат никаква поврзаност со Александровата цивилизација. Многумина денес се радуваа во стил на демострантите на Арапската пролет кога беа сменети некои диктатори меѓу кои и Мубарак. Меѓу коментарите беа и следните: Да се погреба зад Карпатите, не заслужува државна почест, да се погреба во Белград, да не се поставува восочна фигура во музејот дека ќе ја срушиме, бараме извинување од Македонската Обединета дијаспора за неправдата што ја направија при доделувањето награда на човекот кој нема заслуга, тоа се само пораките од македонците во Австралија за човекот кон кој немаат почит.
informator.ws; 02.01.12.
ДПМНЕ може да продолжи да владее само под услов да продолжи да ги гуши слободите во и на медиумите и да ја негува својата латасмиленкомиркатомиќјанко зомби пропагандна машинерија. Просто како пуканка. И бајаги поскапо. Но, што рече еден од плоштадот во Каиро, плашете се од гневот на трпеливите луѓе! Оти, кога ним ќе им падне мрак на очи, го нема тој Протоѓер што тој гнев ќе може да го менаџира.
Сашо Орданоски; „Утрински весник“, 31.12.11.
Годинава нé измени на најдобриот можен начин - политичките настани првпат се заменети со државнички, или, пак, со социокултурни настани што се еднакво значајни за сите граѓани. Позитивниот пресврт настана со парламентарните избори, кога од поттикнуваниот страв од изборно насилство добивме фер и демократските избори.
Сашо Клековски, иден амбасадор во најава; „Нова Македонија“, 31.12.11.
Премиере ве обожавам, толку жалби имам, не можам да ги поднесам од голема љубов кон вас!
(малку подоцна)
- Дали сте задоволни од работата на владата?
- Не сум задоволна.
-Зошто тогаш му рековте на премиерот дека сакате да го гушнете?
- Лицемерие, како би опстанала. Замисли ти, да не му кажеш дека го сакаш?!
Јана Лембанова, граѓанка, при за граѓаните отворена посета на владата; 26.12.11., „Плусинфо.мк“
„Ние, Европејците, со децении сме учесници во бавниот геноцид над Палестинците.“
Пет песни: Нова стратегија, Премијера, Царство, Елегија и Прашање на влијание. Графики: Frans Masereel.
Зошто новинарите ги нема речиси на ниеден митинг да известуваат што навистина се случува?