Боли глава

Ни треба војна со мафијата

Борбата со мафијата може да ја води само некој кој верува во правото, кој го спроведува правото и кој е спремен да се спротистави на искушението на неправото.

Сè друго само ѝ оди на рака на мафијата која на крај ќе се извлече.

Не ни треба помирување со мафијата. Ни треба војна со мафијата.

Не ни требаат преговори со мафијата. Ни треба сосекување до корен на мафијата.

Не ни требаат реформи. Ни треба длабок рез со кој ќе се исчисти гнојот насобран со години.

Мирјана Најчевска, Фејсбук, 14.07.19.

нема
18.07 17:21
Сакам држава, а не сојуз на племиња

Секоја лидерска средба внатре во државата е негирање на институциите, величање на партиите и отфрлање на демократијата.

Секоја лидерска средба внатре во државата значи замена на владеењето на правото со пазарење.

Секоја лидерска средба внатре во државата води кон изигрување на потребите и интересите на граѓаните.

Секоја лидерска средба внатре во државата отвора врата на нетранспарентноста, на неконтролата, на отсуството на влијание на граѓаните и на некој облик на диктатура.

Јас лично не гласав за партијата на власт да држи лидерски средби туку да го воспостави владеењето на правото, да овозможи функционирање на демократските институции и да направи системска промена.

Не, не сакам четворица-петмина да седнат и да се договорат.

Сакам да работат Собранието и министерствата и Владата и правосудниот систем и општините. Сакам држава, а не сојуз на племиња.

Мирјана Најчевска, Фејсбук, 16.07.19.

нема
17.07 11:02
Сега ќе дознаеме?

Добро, а сега ќе дознаеме кој го пушти Груевски да побегне и за колку пари?

Мирјана Најчевска, Фејсбук, 15.07.19.

нема
16.07 11:43
И ние сме биле хистерични

Додека Жерновски, Адеми и тоj мртвиот коњ од градоначалник си го шетаат газот до Баку, каде инаку презентираат лажен закон, функционер на нивниот коалиционен партнер си дига дивоградба/пицерија во центарот на Охрид.

Дивоградбата со огномет, балончиња и сечење лента, му ја отвара градоначалникот на Струга, криминалец кој додека централните власти донираат 50 мил. евра за општините, тој си купува Ауди од 70 илјади евра.

Си гори трска, си присвојува имот и плажи, и никому ништо.
На сè тоа нашиот сакан и храбар премиер им ветува на сопственици на дивоградби/хотели дека ќе се погрижел да се легализира еко чудовиштето.

Во Кочани Швајцарија со донација од 21 мил. франци ни отвара пречистителна станица.

Охрид затвора плажи заради премногу фекалии во езерото.

И некој си гомнар од министер без ресор, преварант пар екселанс, ќе ни кажува дека дивоградбите во Охрид се броеле на прсти, а јавноста била хистерична.

Притоа ветуваа промени, наместо метла, уште една епска превара.

Министерот што не се бавеше со граѓаните, и што за загадувањето ни кажуваше дека не сме ние Швајцарија, си доби ново министерство, Министерство за ДУИ, ни помалку, ни повеќе.

И ние сме биле хистерични.

Ивор Мицковски, Фејсбук, 14.07.19.

нема
15.07 10:12
Како охридските власти се справија со културата во нивниот град

Ристо Л. со фотографија ме потсети на Охрид и на тезгите со книги кои повеќе ги нема и пак ме фати една нервоза од пред неколку години кога всушност и се случи сето тоа.

На место на тезгите со книги сега се паркираат мотори, а на еден голем билборд се пушта турбо-фолк (или барем се пушташе пред некоја година!)

Ете така охридските власти се справија со културата во нивниот град. Она што претходните го рекетираа, овие го телепортираа надвор од овој свет - за да не им фаќа место!

Да дислоцираш таков мал културен градски привремен нуклеус, кој згора на тоа е жив и функционира, нешто што е чудесно изненадувачки за оваа наша помочана земја, е рамно на тоа да си пукаш во глава. Зарем треба да се објаснува зошто? Ебате баграта неписмена!

Ненад Јолдески, Фејсбук, 11.07.19.

нема
11.07 17:26
Бев на викенд со минимален пристап до интернет

Бев на викенд со минимален пристап до интернет, без фејсбук, инстаграм, шазам, гуглање и проверка на факти и кладби или рандом сурфање на тоа колку коњски сили имал Бјуик Електра од 1968...

Што да ви кажам, луѓе, ТЕШКО СРАЊЕ! Технологијата е чудо! За една минимална плата може да се купи телефон со кој имате пристап до цело човечко знаење. Она што може да го прочита професор од Харвард можете и вие! Сите песни и филмови било кога снимени! Сите книги и научни трудови било кога напишани! Сите фотографии било кога чкрапнати! Лудило! Вива ла Текнолоџиа! Вива ла Шенца! Вива Интернет!

Брадестиот Џо, 16.06.19.

нема
10.07 11:24
Македонија и Албанија – единствени европски држава без опсерваторија

Според секторските анализи од 60-ите години, астрономска опсерваторија, а не крст, било планиран да се изгради на врвот на Водно, поради одличната позиција за чисто ноќно небо.

Денес, поради енормното загадување со светлина оваа идеја е невозможна.

Пред неколку години се најави изградба на првата национална опсерваторија на Плачковица, под раководство на УГД, но за жал никогаш ниту една Влада не најде пари за ова.

Во моментов ние и Албанија сме единствените држава во Европа кои немаат никаква опсерваторија.

Кирил Пржо, Фејсбук, 26.06.19.

нема
08.07 10:49
Ние сме заглавени до грло во феудализам

“Судијката појасни дека од суштествено значење е што никоја од институциите не реагирале, односно не утврдиле дека се градат дивоградби. Потоа објектите биле впишани, а никој не го оспорил нивното впишување во Катастар.“

Објаснување: доколку си најдете некој во власта кој ќе обезбеди ниту една институција да не реагира на вашето незаконско делување, може слободно да крадете, да мамите, да тепате, да сакатите, да убивате. Може да си ги впишете имотот на комшијата. Може и имотот на државата. Може да ја продадете државата парче по парче или цела топтан. И судијката ќе ве ослободи од било каква одговорност.

Епа, драги мои, ако не се направи потполна (ЧИТАЈ: ПОТПОЛНА) чистка на сите (ЧИТАЈ: СИТЕ) судии и сите (ЧИТАЈ: СИТЕ) обвинители, ние ќе си останеме турски вилает од 18 век, ама никако (ЧИТАЈ: НИКАКО) не може да бидеме наречени држава (какво и име да ѝ дадеме).

Каква бре ЕУ. Каков бре напредок. Ние сме заглавени до грло во феудализам.

Мирјана Најчевска, Фејсбук, 04.07.19.

нема
05.07 18:24
Браво за ЈО и за СДСМ кои нè оставија да се справуваме со инсталациите на Груевски

Да беа 200 евра сигурно ќе имаше и обвинителен акт и судски процес и соодветна казна. Ама, за 2.770.640 евра навистина не е во ред некој да се гони.

Браво за ЈО и за СДСМ кои нè оставија да се справуваме со инсталациите на Груевски.

А она човечето Републички ЈО Господ да ви го поживее.
Скопје 2014 си остана.

Луѓето кои го изградија си останаа.

Судиите и ЈО кои го овозможија си останаа.

А нам на граѓаните кои го плативме и кои ќе продолжиме да го плаќаме ни останува само да си заминеме.

Мирјана Најчевска, Фејсбук, 03.07.19.

нема
04.07 10:44
Шара е национален парк во Косово веќе 30 години

За националниот парк Шара во Косово се грижи посебна дирекција која го регулира рационалното користење на природните добра.

Ловот е забранет, а дозволена е сеча на дрвја само за потребите на локалното население.

Со прогласување на Шар Планина за национален парк и од страната на Македонија ќе се овозможи заштита на биодиверзитетот во целост.

Ирена Ристиќ, Фејсбук, 24.06.19.

нема
03.07 19:07
Не е проблемот во Македонија дека нема луѓе што знаат

Првите истражувања за положбата и бројот на лицата со нехетеросексуална ориентација ги направивме пред 19 години (“Идентификување на ЛГБТ популација во Република Македонија“ - 2004 година, спроведено од Хелсиншкиот комитет и МАССО).

И тогаш и денес бројот на лицата со нехетеросексуална ориентација се движи околу светскиот просек - 10%.

Требаа 19 години за да се одржи првата ЛГБТ парада и покрај тоа што за дискриминацијата прозборевме многу пред околните држави.

Пред 15 години го изработивме и првиот нацрт на Закон за граѓански партнерства (Законот е готов и чека).

Колку години ќе бидат потребни за да стане реалност?

Најверојатно кога веќе сите држави во поблиската и подалечната околина ќе имаат ваков закон.

Не е проблемот во Македонија дека нема луѓе што знаат, туку дека има премногу луѓе кои не знаат.

Мирјана Најчевска, Фејсбук, 01.07.19.

нема
02.07 18:10
Does it hurt?

Синоќа го шетам Алтан и констатирам дека пола од сарделите засадени неодамна, се украдени.

Заклучив (си признав) дека народов краде. Увелико.
Пробав да замислам како изгледа тоа. Да украдеш.
Треба прво да ти текне, па да отидеш, па да избереш кои ќе ги откорнеш, да се наведнеш, да ги откорнеш, да ги ставиш во некаква кеса, со убрзан чекор да одиш во страв (претпоставувам/ а можда и лабаво си одиш), да одиш, одиш, одиш, дури да стасаш дома. Таму, го засадуваш украденото во саксија, најверојатно и она украдена, во земја, и она собрана од некаде, и секојдневно да ги полеваш, уживајќи во нивната убавина. Украдена. Ветерчето кое ги нишка, е гратис. Загадено.

Ми кликна дека таквите немаат проблем да детектираат и изберат политичари кои ќе крадат. Константно. Репетитивно.
И да немаат гајле, и бирачите и избраните.

После тоа видов дека статусот кој го споделив за Охрид и неговата пропаст, не одекнал баш...
Охрид и езерото им значат на триесетина души...
Или само триесетина сфаќаат што всушност се случува...
Помислив дека можеби имате некаде резервно Охридско езеро, та коа ќе пропадне ова, цак, тоа ќе си го посадите. Друг основ за ваква лабавост и отсуство на бурни реакции на случувањата, јас не гледам.

Оние се пакуваат, ќе иделе со копитцата у Баку.
Демек УНЕСКО.

Јас, сериозно размислувам за штрајк со глад.

Зашто ме боли. Многу.

Ирена Ристиќ, Фејсбук, 01.07.19.

нема
01.07 11:53
Се прашувам зошто не го "слушаат народот" и во други прилики

Оној кој малку разбира пропаганда гледа како Владата си игра со тест балони, за после да продава дека "ги слуша граѓаните".

Најнов пример е промената на пол преку Фонд. Инсценираа демек интерес, за после да речат: "демократска Влада сме, го следиме расположението на граѓаните". И ова не им е првпат.

Се прашувам зошто не го "слушаат народот" кога не затвораат диви депонии, не поправаат мерни станици, не сопираат градежна мафија, не сопираат увоз на фалсификувани лекови, не носат инсулин и цитостатици...

Или бираат теми кајшто сомнителниот профит не им е загрозен, а кои и онака немаат сериозна намера да ги земат предвид.

Проѕирен ПР циркус.

Жал ми е само што поигруваат со чувства, надежи, страсти, судбини - кои во нивниот коруптивно-профитерски свет не значат ништо; овојпат жртви беа трансродовите луѓе.

Инес Ефремова, Фејсбук, 30.06.19.

нема
30.06 17:18
Вие би само да нè јебете како вас ви одговара

Абе куров на државна сметка може коли да купувате и пари да крцате, ама не дај боже пара да отиде на човечка потреба, на личност која не може да живее онака како што вие мислите дека е дадено од бога или природа, макар и таа состојба човек психички го разарала.

Немате приближно појма за што зборите, немате појма што е нужност, а што е право на избор во прашањето.

Секој има право да си помогне и да му биде помогнато да биде онаков како што се чувствува.

Најдоа најголемите политички лопови и најголемите задолжувачи на општини да кажуваат што може, а што не може на државна сметка.

Се работи и тука за човеково здравје, се работи за заробеност, се работи за нужност, за правото човек да биде сексуално исполнет и задоволен, се работи човек да може да љуби целосно и да биде љубен како што се чувствува.

Вие би само да нè јебете како вас ви одговара.

Ивор Мицковски, Фејсбук, 29.06.19.

нема
29.06 15:27

Препорачуваме

Балада за Когобил

Имало некој пргав тип, пргав тип, со опасен чип. Кој и да му дошол под бесните шаки веднаш станувал корисник на штаки.

Северна Македонија – именка и придавка

Провокацијата на Борисов, кој Пендаровски го нарече северномакедонски претседател, не помине незабележано.

Вован и Лексус - шрафови на темниот агитпроп на Москва

Како да се одговори на ваквото однесување на Москва? Пентагон предлага подадена рака за интересите што зближуваат.

Не знам во кој момент се променија вредностите

Во кој момент стана престиж да бидеш глуп, неук, примитивен, насилен?

ОкоБоли главаВицФото