Боли глава

Со Дарко Јаневски, човечето кое успеа од првиот независен и некогаш најтиражен и највлијателен македонски дневен весник, „Дневник“, да направи гласило на малата чета пропагандисти на Амина Трети, чиј гуру е козарот и кучкар со државни субвенции, немам намера да водам сериозна полемика.

Кога денес гледам што направил Јаневски од весникот што го основав (заедно со уште неколку пријатели) и кога помислувам на нашите колеги кои со него го споделуваат овој невиден срам, единствено што ми текнува е репликата на Димитрија од „Диво месо“ на Горан Стефановски: „Да знаев дека сте вакви, ќе ве издркав во чаша!“

Заради вистината и заради споменот на моите драги колеги од неделникот „Комунист“ (некои од нив веќе се покојни), кој се спомнува во најновата тирада на Јаневски против мене, должен сум да го кажам и следново - во времето кога јас работев во овој неделник, „Комунист“ на Ристо Лазаров за „Нова Македонија“ на Панде Колемишевски беше нешто како лондонски „Гардијан“ за московска „Комсомолскаја Правда“.

Сѐ друго од писанието на џелатот на „Дневник“, стокмена во ерата на козење, не вреди да се коментира. Може Дарко да се окози ако сака, џабе му е сѐ. Овој тажен „Дневник“ е неговата легитимација. А што не се прчело, богами, не може ни да се кози.
Бранко Героски; Плусинфо, 30.01.15.

Откако портпаролот на СДСМ Петре Шилегов ги повика Никола Груевски и неговите министри да одберат време, место и медиум за дебата, овластен сум од премиерот да го соопштам неговиот избор: место - Идризово; медиум -пендрек; време - во секое време!
Во свое име, пак, сакам да го прашам гласноговорникот на македонскиот спас: Петре, а, бе, има ли вашата рингла некој друг степен, бе, ова манџа нит се лади, нит се вари!
Бранко Тричковски, Фејсбук, 18.01.15.

Спиридоне (Спире) и остали,
КВАЛИТЕТОТ не се мери на КАНТАР, но постојат други мерила со кои може да се издвои и да се истакне квалитетот во однос на неквалитетот.
У техниката се знае дека еднодимензионалните вредности се искажуваат со СКАЛАР (еднозначно), дводимензионалните со ВЕКТОР, а тродимензионалните со тродимензионален вектор. Повеќедимензионалните сложени вредности се изразуваат со повеќедимензионални МАТРИЦИ.
Токму квалитетот во високото образование е сложена вредност која може и мора да се изрази со повеќедимензионална матрица.
Сложените матрици можат да ги решаваат само учени луѓе, кои ги владеат содржините од матрицата.
Процесот на решавање на сложени содржини се вика ЕВАЛУАЦИЈА.
Затоа е многу погрешно кога образованието ќе се сведе на скаларно оценување со две оценки: едната оценка е ЗНАЕ, втората НЕ ЗНАЕ.
Да се знае без мислење е непродуктивно.
Да се мисли без знаење е КАТАСТРОФА.
За тој што несмасно, неумесно и без многу мислење донесува едноставни (прости) решенија за сложени прашања и ситуации, народот вели: мери му го умот со КАНТАР.
М.Д. Batadjango Dzango, Фејсбук, 21.01.15.

Е па ајде нека не се гради, да застанеме и да не се гради?! Кога се спортува не е лошо да се крене точакот и тоа е вежбање, не е само возењето...
Никола Груевски препорачува носење на точаците на раце поради непроодниот кеј; А1ТВ / Јадибурек, 25.01.15.

Нема веќе дружби како онаа на познатите „интелектуалке неутралке“. Под притисокот на власта групата се подели: две го предводат Професорскиот Пленум, што е значајно подобрување во пристапот, а последната, најмладата, најсугарето „се подаде“ и вресна самоисполнето: …Да сум јас на Ваше место, премиере, јас би била и построга кон колегите професори, кои се: распашани, крадат пари во мали групи (кога се крадело во големи групи?!), и се аздисани… Што е тоа автономија, Ви се молам, како да не! Па Универзитетот не е надвор од општеството!“ (заклучила генијалката млада и спикерка од скоро) Гледајќи каков крш маршира напред во име на владината наука и техника, дури и еден препотопски лик на социјалистичката образовна репресија, Сава-у- космосу, си помислил дека е тој за ваквите суви-геније и срочи, јеботе, нешто за либералното премостување кое го направил премиерот кон стабилизирање на либералното стопанство!? Сава човече, шта ти је бре, консолидиши се!
Љубомир Д. Фрчкоски, Либертас, 19.01.15.

Главниот Идиот вели: Не ги разбирам студентите зошто протестираат! И, веднаш потоа се јавува хорот:
Адеми изјави дека и тој не разбирал.
Судиите не разбирале зошто се протестира пред Апелација.
Сега и министерот за надворешни се изјасни, дека ни тој не разбирал зошто протестираат новинарите.
Во очекување сме овој опасен вирус кој на веќе глуп, те дооглупува да се претвори прво во епидемија, па потоа и во општа пандемија.
Имуни се само оние кои разбираат или се обидуваат да разберат!
Ивор Мицковски, Фејсбук, 21.01.15.