Боли глава

Ете така, дојде на ред мојата омилена бомба - со која еднаш засекогаш ќе им одговорам на СИТЕ на прашањето ЗОШТО ПОЧНАВ ДА СЕ “ЗАМАРАМ” СО ПОЛИТИКА. Во последнава бомба на г. Заев се зборува за најболната тема во мојот живот: мојата куќа и ридот зад неа (крајот на ул. Питу Гули). Веќе 10 години го имаат земено на пик тој рид и сакаат - како и на сите други можни зелени површини каде што го поминав цело детство - да направат згради. ЌЕ НИ ПРАВЕЛЕ 7 МЕТРИ ЅИД ОНИ НАС! АЛОООО БРЕЕЕ!?!? Сега веќе никој и ништо на овој свет не може да ме убеди дека било кој од овие разговори е монтиран. Груевски е убедливо НАЈЛОШОТО нешто што ѝ се има случено на Македонија.
Леана Таќи, засегната граѓанка, по обелоденувањето на „градежната Бомба #10“; Фејсбук, 15.03.15.

Горане, копиле едно расипано скапано продадено! Да ти кажам на време дека кога ќе те видам ќе те клоцам како магаре! И ќе добиеш и дебел зелен ркољ у фаца!
Ќе се срамиш ти за сето ова, ќе одиш ти со години со наведната глава, ти веќе официјално не си новинар туку си вработен во ЈАВНО КОМУНАЛНО ПРЕПТРИЈАТИЕ, АМА ТИ ЧИСТИШ САМО ЕДНИ ГОМНА, ГРУЈОВИТЕ ГОМНА! И ТОА СО ЈАЗИК! БЕДНО БЕДНО ГНАСНО КОПИЛЕ СИ ТИ ШЕФЕ!
П. С. Се мислам и дали да те чекам пред работа на сабајле и да ти акнам една торта у фаца, ќе прежалам 200 денара за торта од најевтините, оние само со шлаг. Тоа е легитимна операција, барем во цел свет, не се смета за тежок физички напад, само не знам дали ќе се воздржам потоа и да не ти акнам две три клоци у гз, пиздо една курвинска!
Саше Ивановски до Горан Петревски, главен уредник на МТВ; Макел, 13.03.15.

Не можам да ја разберам оваа фатална привлечност меѓу албанскиве лидери и македонскиве џандари. Која хемија, човече!
Бранко Героски, Фејсбук, 11.03.15.

Е сега, избирачкиот материјал е во една просторија кај што имаме клуч. Тие се заврзани во едни црни вреќи, како што ми објаснуваа, и имаат од оние пластичнине, ако ти текнува, што се затегнуваат, пластични едни? Има ли од МВР вешт или да појде да види, ако може да ги отвориме без да се сецка?
Миле Јанакиески од Сашо Мијалков бара да му испрати вешти обивачи од МВР; од прислушкуваните разговори; Плусинфо, 10.03.15.

Крсте Петков Мисирков (1903) – Шчо напраифме?

Владо Илиевски (2011) – Леле, што напраивме!

Гордана Јанкуловска (2015) – Шу праиш?!

ФБ статус на Димитар Тушев

Ситуиран човек со успешна и перспективна кариера во областа на светските финансии, го напушта својот менхетенски пентхаус и доаѓа во Скопје да му биде сметководител на својот кум-боксер кој наумил на смрт да претепа два милиони луѓе во рингот на Македонија! И одбива или не се сетува да ја напушти журката во моментот кога сфаќа дека неговиот кум, во меѓувреме, се развил во ординарен лудак и дека идејата да се прероди целата нација е лажен и манијакален проект! Да ја напушти забавата во финансиската кондиција во која дошол или со некое милионче плус, чие исчезнување, во амбиент на општ апашанат и ненормални трошења во патеки, паркови и чоколади, никој никогаш не би ги забележал! Да одлета во вселената со Ричард Брансон, да појде во биг-фиш авантура во Западниот Пацифик или да излезе по кутија цигари и да ја остави Гоца со слушалката в уста! Форевер!
Зошто, како??!
Можеби се надева дека кумчето ќе победи во судирот со нормалноста! Па си мисли, што па ако е забегано моето кумче, целиот свет е забеган, се’ е отудено у курац!? Можеби верува во чуда, па си мисли дека ова што го гледа од самиот центар на ураганот е сон од кој ќе го разбуди некоја друга полицајка, уште поубава од Гоца! Можеби мисли дека со комплетното досие за "Преродбата", до последниот денар спичкани пари, потрошени на бронза и потемкинови кулиси и украдени и трансферирани по разноразни архипелази и други егзотии, од Белизе и Кајманските острови, до домашните орка китчиња, по сметки и имоти на баби, стрини и швалерки, ќе појде на адресите што во замена ќе му гарантираат слобода или спуштање на казната од 345 на 280 години строг затвор, не знам! Да сум јавен обвинител, јас би барал да му се изврши обдукција уште додека е жив за да видиме каков чип му подметнале на човекот односно како тој се подметнал под вистинскиот чип! Оти, можеби чипот и човекот стануваат вака експлозивни дури откако ќе се спојат!
Бранко Тричковски, Фејсбук, 08.03.15.