Кој се плаши од Весна Петрушевска?

02.04.2012 09:23

Карактерите во „Навреда на публиката“ (‘Offending the audience’ – Peter Handke, 1966), во истата таа претстава го признаваат значењето на публиката и односот со публиката го опишуваат како неопходен.

Јас не сум експерт на оваа тема, ама добив впечаток дека терминот неопходен кај нас можеби има некое друго значење. Изгледа дека односот со/на публиката е значаен само во моментите кога некој од актерите очекува одредена „соодветна“ реакција на дел од сценариото за претставата.

Пред некој ден (30.03.2012) на третата изведба на „Кој се плаши од Вирџинија Вулф“ во МНТ, имав прилика да го посведочам актерскиот „професионализам“ на Весна Петрушевска која годинава прославува 20 годишен јубилеј како професионална актерка.

За време на нејзиниот монолог, во моменти кога дел од присутните во публиката не реагираа на сценариото онака како што можеби таа очекуваше (со цел да ја одржи својата концентрација и професионален однос) на виделина излезе уште едно лице на Весна, веројатно она на копродуцент на претставата.

Само така може човек да си ја објасни слободата во однесувањето и говорот на актерката во она што следеше.

Таа посочи со прст кон дел од посетителите и со повишен тон и вулгарен речник им се обрати со (цитирам): „Вие КОПИЛИЊА имате 5 минути да ја напуштите салата!“, по што се врати на монологот и успеа да се сети на следната реплика.

Иронијата е што речиси секој текст за промоција на претставата беше сместен во делот за „култура“ на забавните веб портали низ Македонија.

Па добро, претпоставувам дека Дејан Лилиќ – директор на МНТ (при промоцијата на претставата во изминативе недели) не мислеше на ова кога кажа дека (цитирам) „претставата ќе се игра пред публика од не повеќе од 120 гледачи, што на претставата треба да ѝ овозможи ПОСАКУВАНА и ВАЖНА интерактивна врска“.

Повеќе од јасно е дека невозможно е да се очекува во секој момент од двочасовната претстава еднаква реакција на сценариото од страна на секој од посетителите.

Внимавајте, идни посетители на претставата, интерактивноста доаѓа предвид само доколку тоа оди во прилог на (алтерегото на) Весна Петрушевска. Од она што го видов, не секому му е загарантирано правото да се насмее во моменти кога ќе почувствува дека тоа е соодветен одговор на понудената глума.

Можеби под „интерактивност“ со публика искусната актерка подразбира промоција преку личните профили по социјалните мрежи за тоа колку претстави се однапред распродадени.

Изгледа дека за момент во петокот заборави оти дел од тие карти биле распродадени на истите посетители на кои така вулгарно и супериорно им се обрати, само затоа што претпоставуваше дека нема да возвратат со иста мера.
Сепак, актерите се тие чиј глас би требало да се слуша на сцената.

И кога ќе размислам, можеби и е оправдано ваквото однесување на еден врвен актерски професионалец. Можеби премногу била внесена во сценариото и карактерот кој требаше да го долови на сцената.

Весна Петрушевска успеа да покаже дека има вистина во коментарот на режисерот Синиша Евтимов за сценариото на претставата кога кажа (цитирам):

„Границата помеѓу генијалноста и тотална хаварија е многу мала“.

24 коментари

Pocituvani, zal mi e sto

Испратено на 02 април 2012 од Синиша Евтимов

Pocituvani, zal mi e sto moram da ve razocaram, no dokolku go poznavate Handtke i se povikuvate na nego, obiduvajki se da najdete smisol vo "skandaloznata" replika na Vesna Petrusevska, vo "Koj se plashi od Virginia Woolf", bi morale da go poznavate i likot a osobeno deloto na Edward Albee.Vie pokraj siot trud, koj e za pocit,za zal, ne go poznavate deloto voopshto.Dokolku nekogash voopshto ste go procitale ovoj klasik na svetskata drama, bi znaele deka ova e replika na Albee. Isto taka, ne ja razbiram potrebata za parafraziranje, replikata glasi: "A na vas kopilinja, vi davam 5 minuti da izlezete od tamu kaj shto se kriete". I tokmu toa e replikata koja Vesna Petrusevska ja izgovara na scenata vo sekoja izvedba. Ova kako reziser na predstavata, odgovorno go tvrdam.Procitajte go tekstot, slobodno kontaktirajte me, mozam da vi go pratam izvonredniot prevod na Pr.Rajna Koshka, potoa dojdete izgledajte ja povtorno predstavata, pa otkako ke znaete za shto pishuvate, slobodno plukajte.|Toa znam da go cenam.Vaka vasata statija mozam da ja razberam kako ignorantna malicioznost.

So pocit,
Sinisha Evtimov

Si pomisliv deka nekoj sednal

Испратено на 02 април 2012 од MirkoPopov

Si pomisliv deka nekoj sednal i napishal recenzija za pretstavata. Za zal ova e samo privatna presmetka so akterkata Vesna Petrushevska. Navistina neprijatno iznenaduvanje za mene kako veren chitatel na Okno, koj ochekuva izdrzana i kvalitetna recenzija. Ovoj tip na lichni presmetki se DALEKU DALEKU POD NIVOTO na magazin za kakov se smeta Okno. Da bide TRAGEDIJATA USHTE POGOLEMA - "avtorot" na tekstot NE SE OSMELIL NI DA SE POTPISHE. Kakva originalna katarstrofa!!!! Dokaz deka se raboti za kukavica i nesposobnjakovich od najeftin shtof. IMA LI UREDNIK OVA SPISANIE??? Shto vi e?

Авторот сакаше да остане

Испратено на 02 април 2012 од gjorgji

Авторот сакаше да остане потпишан под псевдонимот Актерски професионализам.

Значи авторот е анонимен.. И?

Испратено на 02 април 2012 од Анонименски

Значи авторот е анонимен.. И? Кој сега ќе превземе одговорност дека објавивте во најмала рака - глупости?

(да го тргнеме настрана тоа дека навистина изгледа како да се работи за лична пресметка)

Сигурно е глупаво и тоа што јас како Анонименски барам одговорност од некого, ама изгледа и тоа сега поминува :)

Во случајов не станува збор

Испратено на 02 април 2012 од gjorgji

Во случајов не станува збор за глупости, туку за критика кон глумата на една актерка. Лицето кое ја напишало критиката присуствувало на претставата, и поради одреден испад се решило за објавување на сведоштвот за истиот во медиум кој го смета за релевантен.

Како доказ за ова тврдење, наведувам дел од е-преписката:

Pochituvan tim,

vo posledno vreme na dolgo i shiroko se razgovara za kvalitetot i akterskata profesionalnost i gluma vo pretstavata 'Koj se plashi od Virginia Woolf?' pa zatoa smetav deka ke ve interesira i vas i chitatelite shto se sluchi na sinokjeshnata (30.03.2012) 3ta izvedba na pretstavata vo MNT.

Ve molam da mi pratite e-mail na koj bi mozelo da se prati tekst vo koj e opishano svedoshtvo na (vo nedostig na podobar zbor) ispadot na Vesna Petrushevska vo tekot na sinokjeshnata izvedba na pretstavata.

Гледачот наседнал не правејќи

Испратено на 02 април 2012 од Петар Николовски

Гледачот наседнал не правејќи разлика меѓу текстот од пиесата и директно обраќање кон публиката. Врз тоа се базира неговата „критика“ на претставата. Значи тргнува од една погрешна претпоставка, па потоа пишува текст кој, меѓу другото, поради таа погрешна претпоставка целосно е нерелевантен.

Прво тој наседнува, па потоа редакција на Окно наседнува.

И наместо да си ја признаете грешката и јавно да се извините, вие уште повеќе заглавувате со тоа што го давате неговиот циркуларен мејл во кој кутриов „информира“ што се случило на претстава - па тоа го нудите како доказ дека лицето напишало критика за претставата.

Ако ова е критика за една претстава и ако кај Никола Гелевски ова поминува како критика за претстава, тогаш паѓаат во вода сите негови лаења за каква било уметничка критика во Македонија. Нека не го бара од другите она што како базичен стандард не може да го испочитува во сопствениот медиум.

Кога пишувате критика би

Испратено на 02 април 2012 од Наташа

Кога пишувате критика би требало убаво да ги објасните околностите. Можеби авторот на текстот воошшто и не ја разбрал претставата бидејќи ете режисерот објаснува дека репликата е дел од претставата. Како и да е, го сфаќам „плукањево“ по Весна Петрушевска бидејќи е еден од оние префорсирани ликови кои имаат само медиокритетен талент и ништо повеќе.

Ако е така ко што вели Синиша

Испратено на 02 април 2012 од Јована

Ако е така ко што вели Синиша (а така е), тргнете го текстот од сајтот и признајте си ја грешката. Нема ништо лошо во тоа.

Лајк! Просто е ко грав. Само

Испратено на 02 април 2012 од Lao Tzu

Лајк! Просто е ко грав. Само треба малку да се замерите со сопственото его.

Колку што забележав, има

Испратено на 02 април 2012 од Vangel101

Колку што забележав, има голема разлика помеѓу изјавата на актерката: „Вие КОПИЛИЊА имате 5 минути да ја напуштите салата!“ и оригиналот кој го наведува Синиша Ефтимов: "A na vas kopilinja, vi davam 5 minuti da izlezete od tamu kaj shto se kriete". Ако тоа не е доволен доказ за обид за пресметка со „неподобната“ публика, тогаш не знам што е! Едно е импровизација, а сосем друго јасна порака (овојпат навистина малициозна) наменета кон публика која некому очигледно не му била по ќеф.
Можеби некој друг треба да се обвини за игнорантност, а не авторот на текстот!
Поздрав
Вангел Ноневски

Единствена замерка имам на

Испратено на 02 април 2012 од Болд

Единствена замерка имам на анонимноста на критичарот. Но, од друга страна го сфаќам, покрај волку гордост его и самољубие, можеби и јас би останала анонимна. Тоа , во случајов, не го намалува кредибилитеот на критиката. Фрустрираната госпоѓа треба да биде професионалец на сцена, ама за да биде тоа така, треба помалце да ја тапшаат по рамо. Поздрав

Да не ја гледав претставата и

Испратено на 02 април 2012 од Ева

Да не ја гледав претставата и јас ќе имав негативно мислење за Весна Петрушевска, но факт е дека таа е добра глумица. Разбирам дека на некому можеби му е непријатна но професионалноста треба да и се признае. А во однос на делот "Вие копилиња имате 5 минути да ја напуштите салата" можам да кажам дека не се доживеа воопшто како "самостојна изјава" туку како составен дел на претставата.

Афторот е Јофе, само нема

Испратено на 02 април 2012 од so what

Афторот е Јофе, само нема муда да се потпише. Уште го држи љубомора.

Текстот е очигледно напишан

Испратено на 02 април 2012 од М. К.

Текстот е очигледно напишан од човек што не ја сака Весна Петрушевска и очајно се обидувал да најде замерка. Текстот со сласт и заслепеност го пренел некој кој очигледно исто така не ја сака Весна П. Во текстот се зборува за професионализам. Иронија блика од сите страни.

ПОЧИТУВАНИ. ВЕЛАТ ТОЈ ШТО

Испратено на 02 април 2012 од драган

ПОЧИТУВАНИ. ВЕЛАТ ТОЈ ШТО НЕМА КОРИСТ ОД НЕШТОТО, НАЈДОБРО МОЖЕ ДА ГО ПРОЦЕНИ ТОА НЕШТО. ЛИЧНО НЕ ПОСЕТУВАМ ТЕАТАРСКИ ПРЕТСТАВИ, НО ТОЈ ДЕН СПОНТАНО СТИГНАВ ДО НАРОДЕН ТЕАТАР. ЈА ГЛЕДАВ ГОРЕСПОМЕНАТАТА ПРЕТСТАВА И ОСТАНАВ БЕЗ ЗБОРОВИ. НЕ ЗНАМ КАКВА БИЛА ГЛУМАТА, НЕ СЕ ПОЗНАВАМ ОД УМЕШНОСТ НА ТЕКСТ И ИЗВЕДБА, НО ЗНАМ ДЕКА ЕМОЦИЈАТА КОЈА НА МОМЕНТИ СЕ ИЗЛЕВАШЕ ОД СЦЕНАТА, ТАА ЕМОЦИЈА ГО БРИШЕШЕ И ТЕКСТОТ И ГЛУМАТА, ЗА ДА ПОКАЖЕ НЕКОЈА АПСОЛУТНА ВИСТИНА. ТАКА ГО ПОЧУВСТУВАВ И ОБРАЌАЊЕТО НА ВЕСНА, ЗБОРОВИТЕ:„Вие КОПИЛИЊА имате 5 минути да ја напуштите салата! TOA БЕШЕ РЕВОЛТ НА ЧОВЕКОТ ОДДЕЛЕН ОД ДРУГИТЕ, ВО ВЕЧНА ИГРА СО СВЕТОТ, ЧОВЕКОТ КОЈ Е САМИОТ ПРЕТВОРЕН ВО ПРИКАЗНА, ВО ИЗМИСЛИЦА. ТОКМУ ТОЈ ЧОВЕК ИЗЛЕЗЕ НА ВИДЕЛИНА ОД ЗБОРОВИТЕ НА ВЕСНА, ОД НЕЈЗИНАТА ИЗВЕДБА. И БАШ МИГОТ НА ТОА ОБРАЌАЊЕ БЕШЕ МИГОТ КОГА СЕ СРУШИЈА ГРАНИЦИТЕ МЕЃУ ФИКЦИЈАТА И ВИСТИНАТА, РАЗБИРАЈЌИ ГО АПСУРДОТ И ХУМОРОТ НА НАШЕТО ЕГО.
И УШТЕ ЕДЕН ТАКОВ МОМЕНТ БЕШЕ КРАЈОТ, КАДЕ АКТЕРИТЕ ИЗГЛЕДАА КАКО ИСТОШТЕНИ, УМОРНИ, СООЧЕНИ СО СЕБЕ И ЗАТОА ИСПЛАШЕНИ.
СОЛЗИТЕ ВО НИВНИТЕ ОЧИ КАЖУВАА СЕ ШТО ОПШТЕСТВОТО, УМЕТНОСТА, ПА ДУРИ И КРИТИЧКАТА МИСЛА НА СОВРЕМЕНИОТ ЧОВЕК НЕ МОЖЕ ДА ВИДИ.

ПОЗДРАВ И ГО ЗАМОЛУВАМ УРЕДНИКОТ НА ОКНО ДА ГО ОБЈАВИ ОВОЈ ТЕКСТ. ДА СЕ ПОЧИТУВА СЛОБОДАТА НА ГОВОРОТ, ЗАТОА ШТО ЗА ЕДНИ ЗБОРОТ КОПИЛИЊА ЌЕ ИМА ОБИЧНА ВУЛГАРНА ДУРИ И ПАЛАНЕЧКА СМИСЛА, А ЗА ДРУГИ ТОА ЌЕ БИДЕ ЦЕНТАРОТ НА ТОА ШТО НЕ МОЖЕ ДА СЕ ПРЕНЕСЕ, ПА МОРА ДА ОДГЛУМИ, ОДИГРА, НАПИШЕ.

СЕ НАЈДОБРО!!!

чисто процедурално, 1. не

Испратено на 02 април 2012 од Django

чисто процедурално,

1. не знам што пречи ако авторот е анонимен...па (скоро)сите коментатори се анонимни...а окно не е анонимно и ете...пробува нешто...ништо страшно

2. улета коменарот на драган...
значи, ОСНОВНА интернет комуникација подразбира дека, користење на caps lock e УРЛАЊЕ, а таквиот начин на комуникација е ....хммм...НАСИЛЕН?

сега у веза текстот,

весна е извонредна глумица, има извонреден глас(како пејачка), течно зборува англиски...и ...толку...уствари разочаран сум од неа...веројатно нејзиниот „општествен ангажман„ довел до ваков текст

не може да со одвои тој ангажман со нејзиниот актерски ангажман...она е една личност и луѓето така ја доживуваат...нема весна у мнт и весна на тв...тоа е исто во доживувањето на публиката

и јас ја сакав весна пред да ја видам во нејзините тв колумни, а сега не сакам ни да ја гледам вирџинија вулф...претпоставувам дека горниот текст е така инспириран

Ама професионализам?!? Им

Испратено на 03 април 2012 од okno -

Ама професионализам?!?
Им пратил некој текст по маил и тие веднаш го објавиле... Зошто? Ви изгледаше симпатично да се исплукате без никаква основа, само затоа што не ви се допаѓа?
Го прочитавте ли пред да го објавите?
Проверивте ли за што станува збор?
Се прашавте ли колку е релевантна критиката?
Каде ви се основните медиумски и новинарски стандарди?
Објавувате се’ што ќе ви пратат по маил без никаква анализа на испратеното?
Каде ви се основните медиумски и новинарски стандарди?
Срцки...

Nekoj vo komentarite rece

Испратено на 03 април 2012 од ferval

Nekoj vo komentarite rece deka ima razlika megju 'vie kopilinja imate 5 minuti da ja napustite salata' i ona sto reziserot tvrdi deka e samiot tekst ...'da izlezete od onamu kaj sto se kriete'..Nekoj da ja objasni razlikata?

Ин јор фејс Окно. Доволно е

Испратено на 03 април 2012 од Анонимycи

Ин јор фејс Окно.
Доволно е што Синиша Ефтимов убаво го потенцираше основното непознавање на авторот на овој текст и тука завршува секоја конструктивна дебата.

Џанго, ептен си даун, бар еднаш па ти биди реален и не се бламирај со тоа што по секоја цена го браниш ОКНО во коментарите на секој објавен текст.

Ок, очигледно е дека промашиле што промашиле со овој текст и тоа е тоа. Идеме даље.

amante, lugje, taman si

Испратено на 03 април 2012 од bojana

amante, lugje, taman si mislev neshto ubavo ke kazete. pa zenata ja izigra genijalno ulogata. kolja odi vidi pa posle prifakjaj ili ne prifakjaj tekstovi od amaterci

Весна водеше една немаштовита

Испратено на 06 април 2012 од Posetitel

Весна водеше една немаштовита емисија пандан на друга немаштовита емисија и комуњарите одма ја ставија во калап, демек “нивна е“. И бараат влакно во јајце против неа.

И после комуњарите ќе обвинуваат дека некој друг ги прави поделбите.

ХХелоу ! па мејлот е испратен

Испратено на 10 април 2012 од Тошка

ХХелоу !
па мејлот е испратен од Цк бре, ШоСЕА се буните неписмени вмров4ишта антиквизирани низаедни, небањати!
А баце убо им реков а?

Ma daj dosta mesate zabi i

Испратено на 10 април 2012 од do Toska

Ma daj dosta mesate zabi i babi - VMRO SDSm - zosto ama bas zosto stalno mora da ispolitizirate bas se'? Glupakot Toshka - pa dobro covece 'nebanjati' imalo vrska so VMRO? hahaha znaci SDSM se 'banjati'? Idi bre u gjavola.

I pak nikoj ne se javi da

Испратено на 22 април 2012 од ferval

I pak nikoj ne se javi da objasni kako moze da e isto
Вие КОПИЛИЊА имате 5 минути да ја напуштите салата!“ i ona sto se tvrdi deka bilo9 replika od tekstot 'A na vas kopilinja, vi davam 5 minuti da izlezete od tamu kaj shto se kriete". Mene ne mi izgleda isto i ako veke ima polemika daj rascistete ja do kraj.