1016 hPa
72 %
16 °C
Скопје - Вто, 07.05.2024 07:59
На 27 декември (сабота), во кафе барот „Дамар“ со почеток во 20 часот ќе се одржи годишната презентација на четвртата сезона Креативни викенди кој се одржуваат во селото Лазарополе, чија примарна цел е вмрежување на македонските културни и уметнички сцени.
На самиот настан координаторите на проектот Јован Ламбески и Тони Димитров ќе го објаснат концептот на проектот Креативен викенд, а покрај презентација на минатите изданија на проектот и претставување на идеите за следните работилници, публиката ќе има прилика да погледне и фотографии, цртежи, видеа, слики, да чуе поезија, кои произлегоа како резултат на претходните изданија на креативните викенди, воедно и да се запознае со тоа како поминаа презентациите на проектот во Белград, Париз и Уден.
По проектниот, вечерта ќе продолжи со музички дел, каде својата музика ќе ја претстават Мартчин, Балтроник, Мартин и Тони Димитров.