1018 hPa
93 %
8 °C
Скопје - Саб, 27.04.2024 06:59
Единицата за брзи артивистички акции опомена стотина несовесно паркирани возачи во Скопје: ПРЕДУПРЕДУВАЊЕ! Паркирањето на овој автомобил е нeoдговорно! Ве молиме, следниот пат паркирајте одговорно.
Живееме во состојба на алармантна урбана некултура: сообраќаен хаос, непочитување на сообраќајни прописи, недостаток на услови за непречено и безбедно движење со велосипеди и пешаци, непрописно паркирање...
Причините за ваквата неодговорноста на граѓаните кон овие состојби се многубројни, но останува фактот дека тоа што најмногу недостасува е немањето свесност и совесност за заедничко живеење и функционирање во еден град и потребата за индивидуална и општествена одговорност.
Во недостаток на сериозен акциски план за решавање на овие проблеми сметаме дека како единица ја имаме таа општествена одговорност да реагираме на овие процеси и сметаме дека со оваа акција можеме да допринесеме кон подобрување на состојбите во урбана култура.
Налепниците за неправилно паркирани коли се директна акција кон луѓето кои ги кршат правилата, и адресирани се во вистинско време на вистинско место.
Акцијата е дел од проектот на Единицата за брзи артивистички акции финансиски поддржан од Фондацијата Отворено општество – Македонија.