Македоскиот ПЕН-центар го осуди нападот врз Салман Ружди

15.08.2022 18:26
Македоскиот ПЕН-центар го осуди нападот врз Салман Ружди

Македонскиот ПЕН-центар го осуди бруталниот напад врз писателот Салман Ружди во Њујорк. Реакцијата ја пренесуваме во целост: 

„Македонскиот ПЕН-центар со длабока индигнација и згрозеност го осудува бруталниот напад врз светски познатиот автор Салман Ружди, кој целото свое дело и живот ги посвети во одбрана на слободата на изразување и на човечкото достоинство. По објавувањето на своето најпознато дело „Сатански стихови“ (1988), иранскиот верски водач, ајатолахот Хомеини во 1989 година му изрече фатва, па така Салман Ружди повеќе од половината од животот го помина под постојана смртна закана. Но и покрај тоа Салман Ружди непоколебливо продолжи со својата мисија по светот ширејќи го гласот против верскиот фундаментализам, фанатизам и догматизам од секаков вид, укажувајќи притоа на длабоките културолошки и традиционални недоразбирања помеѓу Истокот и Западот.

Неговото дело и неговиот постојан активизам не запираат само на критика и самокритика, туку истовремено градат цврсти мостови на толеранција и разбирање меѓу различните народи, култури и религии во светот. Затоа, безумниот и бездушниот напад врз него го сфаќаме како напад врз слободата на мислењето и изразувањето и, согласно начелата изнесени во Повелбата на Меѓународниот ПЕН, најостро го осудуваме и му пожелуваме на Салман Ружди брзо закрепнување од тешките повреди и продолжување на неговата благородна, космополитска мисија.“



Слични содржини

Книжевност / Историја
Пандалф Вулкански
Книжевност

ОкоБоли главаВицФото