Промоција на книгата „Античка Македонија“

28.04.2011 10:46
Промоција на книгата „Античка Македонија“

Издавачката куќа Темплум организира промоцијата на книгата „Античка Македонија, критички приод кон интерпретацијата на историјата и историографијата“ од проф. д-р Елеонора Петрова и м-р Наталија Поповска.

Промоцијата ќе се одржи на 29 април (петок) во клубот ГЕМ (Менада), со почеток во 12 часот. Промотор на изданието е проф. д-р Ирена Стефоска.

Од предговорот на книгата:

Што е тоа во Античка Македонија што го привлекува вниманието на историчарите и целокупната јавност, не само кај нас туку и во светот, 24 века по постоењето на моќното балканско кралство на Филип и славната светска империја на Александар?

Што е тоа што ја прави Античка Македонија да излезе од рамките на историјата и да влезе во сферата на национал романтизмот, легендите и исполнетоста со митови и херои на одамна изминати времиња?

Со оваа сеприсутност на далечното минато не е зафатен само јужниот дел на Централниот Балкан. Преку романите за Александар, приказната од средниот век стигнала до денешни дни и го опфатила целиот свет. Сетете се само на филмуваната сторија за Александар и влегувањето на оваа историска фигура во компјутерската ера.

Античка Македонија ги окупира сите. Научно, стручно, емотивно, грандомански, освојувачки, посесивно, објективно, воодушевувачки, иритирачки или критички, но никој не останува рамнодушен.

Слични содржини

Книжевност / Култура / Настан

ОкоБоли главаВицФото