1007 hPa
60 %
18 °C
Скопје - Пет, 03.05.2024 17:59
Само зборот се почитува и не се смета.
Овде
капе капка и тоа е како кога
распукува ѕвоно.
Ќе недостасува во вјеки вјеков
кои белки ќе достасаат.
Ќе впрегнеш милиграм и тоа е како
Хуните да ги спроведуваш низ кланецот Чешка.
Од тој страв треперат
рачињата на бројчаниците и
кривите црти во зелените очи на сликовниците.
Капе капката и тоа е отров,
илјада коренчиња
враснати сред жили.
Во главата ни е лом.
Често не знаеме каде е вистината.
Но
секогаш знаеме каде е лагата.
Препев: П. В.
Мирослав Холуб (Miroslav Holub, 1923-1998), чешки поет и лекар - имунолог. Прв во чешката поезија ги внел симболите од науката, но повеќе во филозофска отколку во научна смисла. Им припаѓал на кругот писатели: Милан Кундера, Јиржи Шотола, Мирослав Флоријан, Карел Шиктанец, Иван Дивиш... Еден е од најпреведуваните и во странство најпознатите чешки поети.