1022 hPa
63 %
17 °C
Скопје - Нед, 28.04.2024 09:59
Се труди Господинот Когито
да ја постигне чистата мисла
барем пред спиење
но тој труд веќе
носи клица на пораз
значи кога доаѓа
до состојба мислата да е како вода
голема и чиста
крај рамнодушен брег
водата ненадејно се мрешка
и бранот донесува
лимени конзерви
дрва
прамени од нечија коса
вистина Господинот Когито
не е сосем невин
не можеше да го одвои
внатрешниот поглед
од поштенското сандаче
во ноздрите чувствуваше мирис на море
штурци му го скокоткаа увото
а под ребрата чувствуваше прсти отсутни
беше обичен како и другите
мебелирани мисли
кожата од раката врз наслонот на столот
на образот
бора на нежност
некогаш
некогаш подоцна
кога ќе се излади
ќе ја постигне состојбата сатори
и ќе биде како што учителите препорачуваат
празен и
восхитувачки
Превод: П. В.