1015 hPa
87 %
9 °C
Скопје - Пет, 26.04.2024 22:59
Ви претставуваме сет од шест поштенски картички издадени на почетокот на дваесеттиот век, по оригинални илустрации на Луис Вилијам Вејн (Louis William Wain, 1860-1939). Според многумина овој период се смета за златното време на илустрацијата.
Овој сет, наведен во каталогот на поштенски картички од 1930 година издаден од Бут и Лунд, се смета дека првпат бил пуштен во употреба на 17 септември 1912 година, отпечатен и издаден во Англија од компанијата „Рафаел Так и Синовите“ (Raphael Tuck & Sons). Претставени се илустрации на ликови од бајки како кукли за облекување со инструкции отпечатени на задната страна. Меѓу нив се некои од најпознатите ликови како Црвенкапа, Убавицата и ѕверот, Пепелашка, Робин Худ и др.
„Рафаел Так и Синовите“ бил најголемиот издавач на поштенски картички во светот. Сликите што се користеле го опфаќаат целиот свет и нудат уникатна визуелна историја на животот на крајот од 19 и почетокот на 20 век.
За време на бомбардирањето на Лондон во текот Втората светска војна седиштето на компанијата било уништено, вклучувајќи честитки, записи и оригинални слики."
Извор: The Golden Age Of Illustration