1013 hPa
46 %
19 °C
Скопје - Пет, 26.04.2024 17:05
Над лудницата шета
месечарот-месечината.
Низ белата градина чекори сенката-човек,
замислен во својата тажна брада.
Како во калеидоскоп танцуваат
пред него валутите, мениците,
кои согоруваат во оган со виножитни бои.
Порано банкар, заробеник на хартиите,
сега шета
со месечарот-месечината
зад белиот ѕид на лудницата.
Тоа е слободата,
страшната слобода,
кога стапуваш зад невидливите ѕидови
на зголемената човечка свест,
која се подотвора во ужасна
огромност.
Превод: П. В.