Научниците Џулијус и Патапутијан ја добија Нобеловата награда за медицина

Американските научници Дејвид Јулиус и Ардем Патапутијан се добитници на годинешната Нобелова награда за физиологија или медицина за откривање на рецептори за температура и допир, објави денеска Комитетот за награда.

Нобеловата награда во оваа област ја доделува Шведската кралска академија и е вредна 10 милиони шведски круни или 1,1 милион долари.

Џулиус преку користењето на капсаицинот, лутата состојка од чили-пиперките која предизвикува лута сензација, го идентификувал сензорот во завршетокот на нервите на кожата кои реагираат на топлината. Патапутиан, пак, користел клетки чувствителни на притисок за да ја открие новата класа сензори кои реагираат на механички стимуланс во кожата и внатрешните органи.

„Овие револуционерни откритија покренаа интензивни истражувања кои водеа кон забрзано сфаќање на тоа како нашиот нервен систем чувствува топлина, студ и механички стимуланси. Лауреатите ги идентификуваа критичните алки кои недостасуваа во нашето сознание за комплексната поврзаност помеѓу нашите сетила и околината“, посочија од Нобеловиот комитет.

Од Комитетот додаваат дека пред откритието на Џилиус и Патапитуан, нашите сознанија за тоа како нервниот систем ја чувствува и интерпретира нашата околина имаа основно неодговорено прашање – како температурата и механичките стимуланси се претвораат во електронски импусли во нервниот систем.

Џулиус своите истражувања ги спроведувал на Универзитетот во Калифорнија, додека Патапутиан работел во Истражувачкиот центар Скрипс во Калифорнија.