Берлин ќе одлучува дали ќе стане град без автомобили

20.01.2022 14:23
Берлин ќе одлучува дали ќе стане град без автомобили

 

Следниот месец ќе биде донесена одлука дали Берлин ќе стане град без автомобили.

Идејата потекна од граѓанската иницијатива „Berlin Autofrei“ (Берлин без автомобили), која лани предложи план за ограничување на автомобилите во рамките на С-Рингбан, кружна железничка линија околу внатрешноста на градот, со што би се добила најголемата област без автомобили на светот. Станува збор за површина од 88 квадратни километри.

Целта на иницијативата е да се забрани користењето на приватните автомобили во центарот на Берлин, каде што би смееле да се движат возилата на итни служби, ѓубреџиските камиони, такси возилата, возилата за достава, како и автомобилите на жителите со ограничена мобилност, кои би добиле специјална дозвола.

„Целта на кампањата е да се осигура јавните улици на Берлин да бидат правично распределени, здрави, безбедни, погодни за живеење и еколошки. Бидејќи градските власти сè уште не презеле активности и мерки за да се остварат овие квалитети, моравме да ги искористиме нашите демократски алатки“, велат од „Berlin Autofrei“.

Тимот собра над 50.000 потписи за поддршка на кампањата, поради што берлинскиот Сенат мора да ја разгледа идејата, а дали ќе ја прифати и претвори во закон ќе биде решено следниот месец.

Ако биде одбиена, групата кажа дека ќе се обиде да собере 175.000 потписи, со што за идејата Берлин без автомобили ќе можат да гласаат сите жители во 2023.

 

Во 2014 беше објавен изештај со податокот дека 58% од просторот за возење на патиштата во Берлин е отстапен на автомобилите, иако само една третина од вкупните патувања се правени со коли. Наспроти тоа, само 3% од вкупниот простор на патиштата е отстапен на велосипедите, кои се корителе во 15% од вкупниот превоз.

 

И Париз на сличен начин најави дека ќе вложи 250 милиони евра за надградување на велосипедската инфраструктура. Инвестицијата е дел од Bike Plan, петгодишен урбан проект, кој цели кон 100% приспособеност на патување со велосипед до 2026 година.

Извор: СДК/Гардијан

Слични содржини

Активизам / Јавни Простори / Екологија
Активизам / Свет / Екологија
Јавни Простори / Европа / Екологија / Живот

ОкоБоли главаВицФото