Испробување феминистички иднини 2.0

ПРВО ПА ЖЕНСКО е фестивал за феминистичка култура и акција и има за цел да ги промовира и поддржи феминистичките уметнички пракси, да го засили женскиот глас и да ја поттикне дебатата за родовата рамноправност и социјалната правда.

Во 2021 година, ПРВО ПА ЖЕНСКО ја трансформираше својата изведувачка програма во платформа за едукација и продукција во полето на изведувачките уметности насловена ИСПРОБУВАЊЕ ФЕМИНИСТИЧКИ ИДНИНИ. Со поддршка од The Kvinna till Kvinna Foundation и FRIDA Young Feminist Fund, платформата им овозможи на две локални независни жени уметници да развијат свои авторски проекти во полето на современиот танц, перформанс и/или театар. Уметниците беа избрани преку јавен повик, а родовата перспектива и истражувачкиот пристап во нивните пракси беа сметани за предност.

Проектите што беа развиени во рамки на платформата се СРАМ - соло перформанс на актерката Ангела Стојановска, кој го истражува срамот како социјална емоција што ја контролира женската сексуалност и телесност; ЈОВАНО, ЈОВАНКЕ - соло танц на танчерката и кореографката Јована Зајкова, кој го прашува односот помеѓу женското име и женскиот идентитет.

Двете продукции имаа премиера во рамки на Меѓународниот театарски фестивал Млад отворен театар (МОТ), официјален партнер на ПРВО ПА ЖЕНСКО од 2017 година.

Платформата ИСПРОБУВАЊЕ ФЕМИНИСТИЧКИ ИДНИНИ не застанува тука. До крајот на 2023 година, со поддршка од Equality Fund, Sigrid Rausing Trust и Kvinna till Kvinna Foundation, се планира развој на феминистички перформанс на локален уметнички колектив, во рамки на структурирана програма што ќе вклучува:

 - серија предавања за интерпретацијата на родот во уметностите, кои ќе бидат отворени за пошироката публика;
- работилници за развој на уметнички концепти и методологии;
- менторски сесии со искусни феминистички уметници и теоретичари;
- резиденцијални програми за креативно истражување и експериментирање;
- презентации на работните процеси пред публика;
- премиера на крајната продукција.

Платформата ИСПРОБУВАЊЕ ФЕМИНИСТИЧКИ ИДНИНИ има за цел да ги поттикне и поддржи феминистичките уметнички пракси во Македонија, да го зголеми видливоста и присуството на жените во полето на изведувачките уметности, да го засили капацитетот и мрежата на жените уметници, да го отвори дијалогот за родовите прашања во уметноста и општеството, и да ги испробува феминистичките иднини како алтернативни модели на живеење.

Оваа платформа им нуди на уметниците четири главни предности:

1 - Избор на уметничкиот колектив преку отворен повик наменет за колективи од 4 до 6 локални професионалки/ци кои работат на независната култура сцена во полето на изведувачките уметности, но и на други, не нужно уметнички, дисциплини - филм, музика, визуелни уметности, книжевност, архитектура, родови студии, критичка теорија и др. Ова е одлична можност за да се создадат нови соработки и да се истражат различни аспекти на родот во уметноста.

2 - Систем на постојана поддршка на креативниот процес. Колективот ќе добие постојана креативна, како и логистичка и финансиска поддршка во текот на сите фази и аспекти од процесот на развојот на делото, при што во целост ќе биде почитувана уметничка слобода и специфичен израз. Уменичките хонорари, продукциските (простор за проби, опрема, реквизити, костими, договори со соработници и сл.) и промотивните трошоци ќе бидат покриени во целост. Ова значи дека уметниците ќе можат да се фокусираат на својата креативност и да не бидат загрижени за практичните прашања.

3 - Едукација. Уметниците ќе бидат вклучени во средби, предавања и работилници за интерпретацијата на родот во уметностите, феминистички перформанс и колаборативните интердисциплинарни уметнички пракси со локални и интернационални теоретичар(к)и и практичар(к)и. Едукативната програма на платформата ќе биде отворена и за пошироката (професионална) публика, со цел да се надомести недостатокот на родова перспектива во формалното образование во областа на уметностите. Ова е одлична можност за да се научат нови знаења и вештини, да се разменат идеи и искуства, и да се стекнат нови контакти.

4 - Продукција. Продукцијата на перформансот ќе ја поддржи или во целост реализира лице ангажирано од Тиииит! Инк, со специфично работно искуство во полето на изведувачките уметности и организацијата на настани. Перформансот ќе има премиера во рамки на Меѓународниот театарски фестивал МЛАД ОТВОРЕН ТЕАТАР 2023. Ова е одлична можност за да се претстави делото пред широка публика, да се добие повратна информација и да се учествува во дискусии.

Временска рамка на програмата:

 Јуни - Објавување на отворениот повик за локални колективи уметници

 Јули - Процес на селекција

Август - Ноември - Креативен процес: истражување, развој на проектите, едукативна програма, финализирање на процесот, продукција

Ноември - Декември - Премиера на МОТ 2023

Упатства за пријавување:

* Мотивациско писмо (1.500 - 2.500 зборови) во кое ќе ги претставите

Вашиот колектив преку информации за:

* составот (членки/членови). Предност во изборот ќе имаат колективи во кои учествуваат жени кои не се вработени, ниту пак имаат редовен хонорарен однос со некоја јавна институција од нивната област на делување,

* поврзаноста (претходните соработки) на членките/членовите,

* афилираноста со локалната независна културна сцена на членките/членовите на колективот.

Вашиот предлог проект преку информации за:

* краток опис на предлог проектот,

* родовата перспектива на предложениот проект,

* планиран начин на развој на перформансот (пр. истражување, акумулација на материјал низ импровизации, работа на текст и сл.). Процесно ориентираниот начин на работа, во кој значењата, целите, формата и суштината на работа произлегуваат од процесот, а не од некое однапред зададено значење, што пак подразбира поинаква етика на работниот (уметнички) процес, ќе се смета за предност,

* распределбата на одговорностите на членките/членовите во уметничкиот процес. За предност ќе се сметаат нехиерархиски поставените, мултиплицирани релации на членките/членовите на колективот.

Кратка биографија на секој/а член/ка на колективот (200 - 350 зборови) со преглед на релевантни проекти на членките/членовите. Ве молиме вклучете фотографии, линкови до видеа, рецензии, медиумски објави.

5 - 15.6.2023 Прашања и одговори

Во овој период ви стоиме на располагање за сите дополнителни информации на platformrff@gmail.com

5.7.2023 Краен рок за аплицирање

Како наслов на e-mail пораката наведете “ИФИ Платформа 2023_ИМЕ НА ПРЕДЛОГ ПРОЕКТ_апликација”, вклучете ги во прилог потребните документи и испратете ни ја на platformrff@gmail.com

6 - 25.7.2023 Селекција

Во овој период, кандидатите би можеле да бидат повикани на (online) средба.

25.7.2023 Објавување на изборот

За повеќе информации за платформата ИСПРОБУВАЊЕ ФЕМИНИСТИЧКИ ИДНИНИ, посетете ја веб-страницата на ПРВО ПА ЖЕНСКО.

фотографија на плакатот: Драгица Николовска од танцовиот перформанс „Јовано, Јованке“ на Јована Зајкова, развиен во рамки на платформата ИСПРОБУВАЊЕ ФЕМИНИСТИЧКИ ИДНИНИ во 2021 година.